Omubaka omulala agobeddwa mu palamenti.
Kkooti enkulu eye Mbale egobye omubaka Vincent Woboya ow’ekibiina kya NRM lwabutalekulira mulimu gwe nga tanaba kwesimbawo nga amateeka bwegalagira.
Omulamuzi Andrew Bashaija mu nsalaye ategezezza nga Woboyo bw’alamereddwa okulaga kkooti nti ddala yalekulira omulimu gwe ogwa gavumenti nga omukozi mu ofiisi ya ssabaminisita nga tanasunsulibwa.
Nga awa ansalaye ku musango guno, omulamuzi ategezezza nga Woboyo bweyaleeta ebiwandiiko ebiraga nti ddala yalekulira naye ekimumegga kwekuba nti yafuna omusaala okutusiza ddala mu mwezi gwa December.
Ono era yafuna obukadde 50 mu June okuva mu ofiisi ya ssabaminisita okusomesa abantu ku bigwa tebiraze mu disitulikiti okuli, Sironko ne Bulambuli .
Munna FDC Isaiah Sasaga eyawangulwa yeyawaayo okwemulugunya kuno mu kkooti.
Ababaka ba NRM 3 bebakagobwa mu palamenti nga kuliko owa Busiro South Peter Ssematimba ne Isaac Mulindwa Ssosi abadde akiikirira aba municipaali ye Lugazi bano bbo nga bagobeddwa lwabitabo bitawera.
