Bya Abubaker Kirunda
Mu disitulikiti ye Mayuge omulenzi ow’emyaka 6 amazze ennaku nga abuze omulambo gwe gusangiddwa nga gutemeddwako omutwe nga n’ebitundu by’ekyama tekuli.
Omwogezi wa poliisi mu Busoga East James Mubi ategezezza nga omulambo gwa Juma Muyita bwebagusanze nga gusuuliddwa mu ssamba y’ebikajjo ku kyalo Musita mu gombolola ye Baitambogwe.
Omugenzi mutabani wa Issa Muyita ne Aisha Nangobi abatuuze ku kyalo Kalita e Iganga naye nga bbo babeera wano Kawempe mu kampala.
Abatuuze bategezezza nti embwa zibadde zisikasika ekiwudduwuddu okukibwebwena kwekutemya ku poliisi ezze n’ekizuula nti omwana gwebabadde banoonya y’ono eyasaddakiddwa.
Wabula ye taata poliisi y’amze dda okumukwata nga omu ku bateberezebwa okutta Muyita.