Palamenti eyitiddwa bukubirire okuyisa etteeka eriwa gavumenti ebbeetu okusasaanya ensimbi nga tafunye lukusa okuva eri palamenti.
Okusinziira kw’akulira ebyamawulire ku palamenti Chris Obore, palamenti yakutuuka ku lw’okubiri oluggya ku ssaawa munaana zenyini.
Obore agambye nti ofiisi y’omuwandiisi wa palamenti emaze okufulumya ebbaluwa eyita ababaka bonna okuva mu luwummula okuyisa etteeka.
Ababaka baludde nga bawakanya eky’okuyisa etteeka lino nga bagamba nti ensimbi z’omuwi w’omusolo zituuse okudiibudibwa
Ababaka abasinga bali ku muliro gwakuwenja kalulu kyokka nga Obore agamba nti bano balina okukulembeza eggwanga mu kifo ky’ensonga zaabwe