Akakiiko k’ebyokulonda kakiggumizza nga bwewatali Muntu yenna akkirizibwa okukuba enkungana , okujjako nga amaze okususunsulwamu nakakasibwa mukakiiko kano nti egenda kuvuganya.
Bino byogedwa akulira akakiiko k’eby’okulonda Eng Badru Kiggundu bw’abadde awayaamu n’abagenda okuvuganya ku bwa pulezidenti ku kitebe kyekibiina kino.
Kiggundu agambye nti abantu bonna kaakakano abeeyita abagenda okuvuganya baakima bukimi mpapaula, mpaawo yaabakakasizza, kale nga kimenya mateeka okubuna eggwanga nga banonya obululu.
Ono agamba nti etteeka erifuga okulondebwa kw’omukulembeze w’eggwanga terimanyi Muntu abeera akimye mpapula nga tanakomyawo mikono gyabantu abamusemba, kale nga bonna ababuna eggwanga beetaga basooke bakkakkane okutuusa nga bakakasiddwa akakiiko k’ebyokulonda.
Kigundu agamba nti bano kyebaliko tebakiyita kakuyege, wabula okwebuza ku balonzi, kale nga okugaba ebipande n’okusaba obululu kimenya mateeka.
Kakati Kiggundu akalaatidde bonna abeegwanyiza entebe eno okukoma okubugumiriza abantu, nga bamenya amateeka, kubanga kino kiyinza okuleetawo okuyiwa omusaayi, kko n’okulemesa obwenkanya namazima mukulonda
Bano abawadde amagezi okuzzaayo empappula okuli amannya g’abawagizi baabwe ssabbiiti bbiri ng’okukakasa abesimbyeewo tekunnaba kutuuka.
