Bya Samuel Ssebuliba.
Ssabasumba w’esaza ekulu elya kampala Dr cyprian kizito Lwanga alabudde omukulembeze we gwanga okukoma okugendera ku ngambo ezimugambibwa abantu, okukakana nga atandise okulowooza nti amadiini gagaala kumujja mu buyinza.
Bwabadde abuulira mumisa efundikidde okutambuza omusalaba wali ku Old kampala, Ssabasumba agambye nti waliwo abantu abenyiridde ku ky’okuwa omukulembeze we gwanga amawulire amakyamu , nga gano gamuviirideko okukola okusalawo okutagwana.
Ono agambye nti gyebuvudeko waliwo omuntu eyamukubidde esimu nga agamba nti government erowooza nti aliko olukwe lw’apanga olw’okujjako omukulembeze we gwanga, era namulabula nti yanditiibwa nga omugenzi Bishop Janana Luwum.
Bishop Lwanga agambe nti government obukesi bwekozesa ku banadiini ebujja ku baaliko abanadiini wabula nebagobwa olw’empisa enkyamu, kale nga bano byebasanga byeboogera.
