Abanonyi b’obubudamu okuva mu ggwanga lya South Sudan abasoba mu mu 5000 bebakasala ensalo okwesogga Uganda mu wiiki 2 ezakayita.
Bangi baduse mu kibuga Juba nga batya obutabanguko obuyinza okubalukawo ku madda g’omumyuka w’omukulembeze w’eggwanga era eyali akulira abayeekera Dr Riek Machar.
Awandiisa ababundabunda okuva mu ofiisi ya ssabaminisita mu Adjumani Titus Jogo agamba abasinga ku baduse e Juba bayita ku nsalo e Nimule nebayita mu tawuni ye Elegu olwo nebatuuka mu Amuru.
Anyonyola nti abasinze okuddukayo ba ggwanga ly’aba Nuer omuva Riek Machar sso nga bbo aba Dinka bakyali batono.
Ku nkomerero y’omwaka gwa 2013 wabalukawo olutalo lwomunda mu South Sudan nga abadinka omuva pulezidenti Salva Kiir balwanagana n’abayeekera okusinga B Nwele abaali bakulemberwa Riek Machar.
