Akakiiko ka palamenti akalondoola ensasanya y’omuwi w’omusolo kakunyizza abakungu okuva mu ttendekero ly’e Kyambogo ku by’okuwandiisa abayizi mungeri eyamwankwetu.
Okusinziira ku alipoota ya ssababalirizi w’ebitabo bya gavumenti eya 2014, abayizi 14,086 bayita mu kamooli okwegatta ku ttendekero lino.
Kino kyafiiriza ettendekero obukadde 532 ezaali zirina okuva mu misoso gy’okuwandiisa abayizi bano ne fiizi.
Nga yewozaako, baasa w’ettendekero lino Ham Mungyereza akkirizza nga abayizi abamu bwebawandikibwa nga tebasabye bifo olw;enkola y’omuntu okuwandiisa omuyizi buterevu ekozesebwa.
Agamba batandise okunonyereza ku nsonga eno okusobola okugolola ensobi zonna.
Wabula ssentebe w’akakiiko kano Paul Mwiru agamba kino kyandiba nga kyali kigenderere kale nga kisaana okunonyerezebwako enyo.
