Bya Gertrude Mutyaba
Abatuuze mu gombolola 2 okuli Bigasa ne Kitanda mu district ye Bukomansimbi, bolekedde okufa enjala nga kino kivudde ku musana pereketya ogwememula kyenkana okumala emyezi 8.
Ebyalo ebisinze okukosebwa kuliko Kikuuta, Kisala A ne B, Buswege, Mirembe, Mbiriizi, Kayanja, Kyanika nebirala ngabaayo balya ekimu, ngekyokulya bawamma kiwamme.
Bano bagamba nti baali bategese ensigo ya kasooli nebijanjalo, bwebaafunayo ebire byenkuba 3 omwezi oguwedde nebalowoza nti enkuba etandise, wabula omusana gwayongera okwaka nebyebasiga nebikala.
Sentebe w’omuluka gwe Mbirizi Kizito Ssemukuutu ne sentebe w’abavubuka be Kitanda Hussein Kabogere bagambye nti abatuze naddala abakadde n’abaana abato betaaga okuddukirirwa.
