Omu ku basajja abagambibwa okutega bbomu ezatta abantu abasoba mu 70 mu mwaka 2010 amazeeko abantu ebyewungula bw’asobodde okwogera amannya g’abaatega bbomu n’ategeera n’ebifanyi byaabwe nga bimulagiddwa
Ono alagiddwa ebifananyi by’emitwe gy’abalumira mwoyo abeesibako bbomu era n’abategeera ng’agamba nti omu bakolagana butereevu naye
Idris Nsubuga agambye nti eyabalulira ku Rugby grounds e Lugogo yeeyali Muruzalu nga nzaalwa te Somalia ate e Kabalagala yali Kaka munnansi wa Kenya
Nsubuga agambye nti yamenya abatujju bano ng’ayita mu Issa Luyima eyategeka olukwe lwonna olw’okutega bbomu
Agambye nti baalina ekigendererwa ky’okulumba Centenary Park ne capital Pube Kabalagala kyokka nebalemesebwa ab’ebyokwerinda
Agambye nti olukwe lwonna balulukira Najjanankumbi nga basimbula ku Kenjoy supamaketi nga batambulira ku bodaboda kubanga bbomu zaali tezirina kubeera mu bbugumu
Nsubuga agambye nti ng’amaze okutegulula bbomu eye Lugogo yasalawo essimu okugisuula mu kabuyonjo ye ewaka olwo Luyima Mukulu waabwe n’adduka mu ggwanga