Abantu babiri beebafiiridde mu bubenje bubiri obwabaddewo ku lunaku lwa Eid
Bino biri mu alipoota efulumiziddwa poliisi ku mbeera y’eby’okwerinda ku lunaku lwa Eid Elfitri olwakwatiddwa olunaku lwajjo.
Omwogezi wa poliisi mu Kampala n’emirwano Patrick Onyango agambye nti akabenje akasooka kabadde Kalerwe ku saawa nga nnya ez’ekiro emmotoka eyabadde ewenyuka obuweewo bweyatomedde omuntu omu eyategerekese nga Benson Muhwezi n’afiirawo.
Akabenje akalala kagudde Buloba ku luguudo oluva e Kampala okudda e Mityana, emmotoka bweyatomedde omwana ow’emyaka 13 eyategerekese nga Beatrice NaKibuule omuyizi mu ssomero lya Onward secondary school.
Onyango kyokka agamba nti okutwaliza awamu , olunaku lwabadde lwa mirembe.
