Omuntu omu afiiriddewo bwakubiddwa awabi mu bbaala n’akalirawo lwa muwala.
Attiddwa ategeerekeseeko lya Kawuma, myaka asatu egyobukulu nga mutuuze ku mwalo e Katebo mu ggombolola y’e Buwama e Mpigi.
Okusinziira kubalabyeko nagaabwe ng’olutalo lubalukawo, bategeezezza nti mukwano gw’omugenzi bwebabadde bagunywa ategeerekeseeko erya Buyinza yasoose kuwanyisiganya bisongovu naye ng’amusaba amuviire ku mukyalawe gwetutegeddeko nti akola bwa malaaya ku bizinga eby’e Bunjakko, era ekyaddiridde kumukuba awabi n’akalirawo.
Buyinza mukiseera kino yabinnyise dda mu nsuwa era nga police emuyigga akwatibwe aggulweko ogw’okutta omuntu okusinziira ku Afande Harriet Nakyambadde, akulira okunonyereza ku buzzi bw’emisango ku police ey’e Buwama.
Ggw’omulambo gw’omugenzi gutwaliddwa mu ddwaliro ekkulu e Mulago okwongera okwekebejjebwa.
