Bya ben Jumbe , Ruth Anderah.
Kyadaaki omubaka we kyadondo East Robert Kyagulanyi alabiseeko mu kooti ento etuula e Gulu naggulwako emisango egyokulya munsi olukwe, era naggalirwa ku alimanda okutuusa nga 30th sabiiti egya ku lwokuna.
Bwabadde amusomera omusango guno omulamuzi owedaala erisooka Yunusu Ndiwalana , amugaanye okubaako kyanyega kubanga ono omusango gweyazza munene – gwanagomola, kale nga tayina busibozi bugukolako.
Kati ono agattidwa kubanne abalala okuli Casiano Eziati Wadri, Paul Mwiru, Mike Mabike n’abalala nga bano kigambibwa nti bebakunga abantu okukuba emotoka ya president amayinja nga 13th okukakana nga bagyasizza endabirwamu.
Wabula munamateeka wa kyagulanyi Mederd Lubega Ssegona akalambidde nga agamba nti omuntuwe mulwadde ebitagambika, nga ogaseeko n’abalala abaakwatibwa nebakubwa ebitagambika.
Ono asabye nti muntuwe akiriziibwe okufuna obujanjabi obugwana kubanga alabika nga ali mubulumi obutagambika, ate nga okuva nga 15th tafunanga kubujanjabi bwonna, mumbeera gyalimu.
Wabula ye omuwabi wa government abadde akalambidde nga agamba nti ekomera ekya Gulu central prison gyagenda okusibirwa lirina buli kyetagisa, kale nga tebagwana kupapa, omubaka nabalala bagenda kuba bulungi.
Kati omulamuzi bweyetegerezza enjuyi zonna nasalalawo nti tekikola makulu okusiba omuntu nga mulwadde, kale nga agwana agende afune obujanjabi obumala.