Eyali ssabaminisita w’eggwanga Amama Mbabazi amaze okugyayo empapula z’okusunsulibwa okwesimbawo ku ky’omukulembeze w’eggwanga mu kalulu k’omwaka ogujja.
Mbabazi wakwesimbawo nga atalina kibiina
Abantu abalala 4 nabo bagyeyo empapula z’okwesimbawo ku kifo ky’omukulembeze w’eggwanga.
Bano kuliko eyali amyuka ssenkulu w’ettendekero ly’e Makerere Venansius Baryamureebwa, Dr Deo Lukyamuzi,Fredrick Kunya ne Joseph Mwambazi nga bonna bakwesimbawo nga abatalina bibiina.
Omwogezi w’akakiiko k’ebyokulonda Jotham Talemwa Talemwa agamba bano bamaze dda okusasula obukadde 8 buli omu obutali bwakubaddizibwa nga balagiddwa okunonya emikono gy’abalonzi 100 okuva mu bitundu by’eggwanga ebyenjawulo ababasemba okwesimbawo.
Twogeddeko ne Vanasius Baryamureeba n’atubulira ebigendererwa bye era n’ategeeza nga bwatagenda kwegatta ku mukago ogugatTa ebibiina ebivuganya gavumenti ogwa The Democratic Alliance.
Okugyayo empapaula z’okusunsulibwa kukomekkerezebwa nga 21 September.
