Alipoota ekoleddwa abasawo ebekebezze omulambo gw’abadde minisita w’amakolero Dr. James Mutende eraga nti ono yafudde bulwadde bwa kibumba na mawuggwe
Alipoota eno esomeddwa ssabaminisita w’eggwanga Dr. Ruhakana Rugunda mu kusabira omwoyo gw’omugenzi ku kkanisa ya batukiirivu e Nakasero.
Dr Mutende yafiira mu maka ge e Lukuli oluvanyuma lw’okufuna obulumi mu lubuto
Yye Namwandu Lydia Wanyoto agambye nti bba abadde taata mulungi era nga tabulwanga ku budde bwa baana be yadde abadde alina emirimu miyitirivu.
Wanyotoasabye bannamauwlire okubaleka bakungubagire omuntu waabwe n’okwewala okumala googera ebigambo ebiyinza okubalumya.
Yye minisita w’ebyobusuubuzi Amelia Kyambadde agambye nti omugenzi abadde ayagala nnyo omulimu gwe era nga buli omu amwesigamako .
Mu ngeri yeemu wabaddewo okusabira omwoyo gw’omugenzi eyali aduumira abayekeera ba Uganda National Rescue Front ku muzikiti gwa kampala mukadde.
Mwogezi ku mwogezi, Gen Ali Bamuze ayogeddwako ng’omusajja abadde ayagala emirembe era nga taddirirangako okuva lweyasalawo okuva mu nsiko.
