Poliisi y’e Kalisizo mu disitulikiti ye Rakai eriko munnansi w’eggwanga lya Tanzania gw’ekutte nga ateberezebwa okuwamba omuwala ow’emyaka 3.
Julian Nasuraje 52 omutuuze we Kalagwe y’akwatiddwa nga avunanibwa kuwamba muwala ategerekese nga Daphine okuva e Kinoni mu disitulikiti ye Lwengo
Atwala poliisi ye Kalisizo Regina Nansamba ategezezza nga Nasuraje bweyakwatiddwa oluvanyuma lw’okutemezebwako abatuuze oluvanyuma lwokumwekengera.
Nansamba agamba Nasuraje abadde ayogera luswayi lwokka sso nga omwana abadde tasobola kwogera yadde ekigambo kyoluswayiri ekiretedde abatuuze okwekengera nti yandiba nti y’amuwambye.
Mu sitetimenti Nasuraje gy’akoze ategezezza nga omwana ono bwali muzzukulu we sso nga ye tasobola kwogera luswayiri.
Omwogezi wa poliisi mu bukiika ddyo bw’eggwanga Noah Sserunjogi ategezezza nga bwebakolagana n’abobuyinza e Lwengo okuzuula bazadde b’omwana ono omutuufu.