Bya Malik Fahad
Entiisa ebuutikidde abatuuze ku kyalo Kyalulangira mu disitulikiti ye Rakai oluvanyuma lw’omusajja okutta mukayalwe wamu n’omwana waabwe.
Edward Saazi 35 omutuuze ku kyalo Kasula village y’akidde muwalawe ow’omwaka ogumu n’ekitundu Judith Nabakooza ne mukyalawe Agnes Nakyeyune n’abatta..
okunonyereza kwa poliisi okusoose kulaze nti Ssaazi okuva mu mbeera kiddiridde omukyala okumubanja ssente zeyatunze mu bijanjaalo bye wabula nga yazinywamu dda omwenge ensonyi n’azifuula obusungu n’amutta nemuwalawe.
Akulira okunonyereza ku buzzi bw’emisango ku poliisi ye Rakai Davis Pande akakasizza ettemu lino n’ategeeza nga poliisi bwetasizza Ssaazi ku batuuze ababadde baagala naye okumutta olw’obusungu.
Emirambo gyombi gitwaliddwa mu ddwaliro okwongera okwekebejebwa.
