Eyali omumyuka w’omukulembeze w’eggwanga Prof Gilbert Bukenya azizzayo empapula z’okwesimbawo mu kamyufu k’anakwatira omukago ogugatta ebibiina ebivuganya gavumenti ogwa Democratic Alliance mu kulonda kw’omwaka ogujja.
Empapula azizizza ku ofiisi z’omukago e Kololo.
Bukenya y’asoose okuzzaayo empapula zino nga eggwanga lyetegekera akalulu ka 2016.
Foomu zino azikwasizza Bishop Zac Niringiye omu ku bakulu abatuula ku kakiiko akaddukanya omukago.
Awerekeddwako ssenkaggale w’ekibiina kya JEEMA Asuman Basalirwa n’eyali Katikiro wa Buganda Joseph Mulwanyamuli Ssemwogere abamujulidde.
Mungeri yeemu Bishop Niringiye ategezezza nga nsalesale w’okuzzayo foomu zino bw’aliwo nga September 10th, n’oluvanyuma akakiiko akalonda kesogge akafubo bafune anakwatira omukago bendera mu kalulu ka 2016.
