Poliisi ezudde nanyini Taxi eyavuddeko akabenje omwafiiridde omubaka Susan Namaganda.
Pascal Senyonga mutuuze we Mutundwe mukaseera kano police emuyise okunyonyola ebisingawo ku taxi ye.
Poliisi egamba nti byeyakafunawo biraga nti Namaganda kirabika yattibwa buttibwa, oba akabenje
Akulira poliisi y’ebidduka mu ggwanga Steven Kasiima agamba kati bakolagana n’abakugu okumanyira ddala ekituufu.
Agamba bazze bayita nanyini taxi eno yeyanjule eri poliisi babeeko nebyebamubuuza naye nga buterere kale nga kati wakukwatibwa singa alema okugoberera amateeka.
Mungeri yeemu poliisi egamba bakuggula emisango ku bakulira kampuni entunzi y’emmotoka eya Green Coin Company eyaguza Senyonga emmotoka eno wabula nga n’okutuusa kati terina kaadi.
