Bya Ben Jumbe.
Ekibiina ekikola ogw’akalabalaba ku dembe ly’obuntu ekya Human Rights Watch kitabukidde government ya Uganda nga kigamba nti bano nakaakano bakyagaanye okufulumya Alipoota ku bantu abasoba mu 100 abattibwa e kasese mu mwaka 2016.
Mu July 2018, ekibiina kino kyayogerako n’abantu 35 e Kasese,okwali nabenganda z’abagenzi ko nabakulembeze ab’ekitundu kino, nebakizuula nga abantu beeno bakyali mukutya olwebyo ebyaliwo, kyoka nga ne government ekyagaanye okubategeeza eyatta abantu baabwe.
Akulira ekibiina kino mu East Africa Maria Burnett agamba nti government yakozesa amaanyi agayitiridde mukukakkanya abujagalalo obwaliwo, okukakana nga abaana battiddwa.
Twogedeko nayogerera amajje ge gwanga Brig Richard Karemire nagamba nti ensonga zino ziri mu kooti, kale nga kimenya mateeka okuzoogerako
