Bya Ruth Andera
Kyaddaaki Munnabayanjigiriza ateerya ntama Dr. Stellah Nyanzi kkooti ekkirizza yeyimirirwe awoze nga ava bweru.
Nyanzi yeyimiriddwa ku bukadde 10 ezitali zabuliwo n’abamweyimiridde obukadde 10 buli omu ezitali zabuliwo.
Banamateeka ba Nyanzi bategezezza nti omusango gwe guluddewo okuwulirwa kubanga abadde teyewulira bulungi.
Nyanzi avunanaibwa kukozesa bubi compyuta n’ayita omukulembeze w’eggwanga obutuuliro.
Okujja ku kkooti Dr Nyanzi bamuleese abaserikale b’amakomera nga bamukwatiridde olwobukosefukosefu.
Mu kusaba okweyimirirwa ,munnamateekawe Nicholas Opio ategezezza omulamuzi James Eremye nti omuntu we mukosefukosefu wabula yeyimirirwe ku kakalu ka kkooti akatali kazabuliwo kubanga takyakola nga ssente z’okweyimirirwa tazirina.
Nyanzi aleese abamweyimirira bana okuli omuwandiisi mu lupapula lwa daily Observer Dr. Moses Khisa, abalwanirira eddembe ly’obuntu okuli Wokulira Ssebagala ,Solome Nakaweesi Kimbugwe ne Nalongo Annet Namatta.
Wabula ye munnamateeka wa gavumenti Jonathan Muwanganya ategezezza nti talina kizibu na kya Nyanzi kweyimirirwa ssinga asuubiza nti tagenda kuddamu kuvvoola mukulembeze wa ggwanga ku yintaneti nga amuyita obutuuliro.
Mungeri yeemu munnamateeka Muwanganya wabula ategezezza nti bbo nga ab’oludda oluwaabi bakyayagala Nyanzi akeberebwe omutwe oba gukola bulungi kubanga balina obujulizi nti ddala ono alina obulwadde bw’omutwe.