Bannamateeka b’abamu ku bavunanaibwa okutta abakulembeze b’abayisiraamu balumirizza ssabapoliisi w’eggwanga Gen Kale Kayihura okutiisatiisa abantu baabwe okwelumiriza nti ddala bebatta abakulembeze b’abayisiraamu.
Twaha Mayanja ga y’omu ku bawolereza abavunaanwa ategezezza nga abantu be okuli Ismeal Ssentongo,yusuf Kakande ne Isa Musa bwebazze batwalibwa mu bifo ebyekusifu mu kkomera e Luzira nebabalagira okuwaayo munaabwe akulira abatabuliiki ku muzikiti e Nakasero Sheikh Yunus Kamoga nti ddala yeyali emabega w’okutta abakulembeze b’abayisiraamu.
Munnamateeka agambye nti bano Kayihura bano y’abasuubiza okubayimbula , okubawa enyumba ezitemya nga omuntu wamu n’ensimbi bulijjo zebalootako obuloosi singa bawa obujulizi ku sheikh Kamoga.
Wano kkooti werabulidde abakulira ekkomera lye Luzira obutakkiriza muntu yenna okuli ne poliisi okujja abasibe bano mu bifo ebitongole mu komera gyebalina okukuumibwa.
Kkooti era erabudde abavunaanwa obutageza kwongera ku kwewozaako kwabwe nga bannamateeka baabwe tebaliiwo.
