Ensimbi zikyagenda mu maaso n’okubulanakana mu minisitule ya gavumenti ez’ebitundu.
Kino kyeyolekedde mu alipoota ya ssababalirizi w’ebitabo bya gavumenti gy’awerezza sipiika wa palamenti nga buwumbi nabuwumbi tebumanyiddwako mayitire.
Okusinziira ku alipoota eno obuwumbi 12 ku 30 ezitamanyiddwako mayitire zabulankanyizibwa mu minisitule eno nga nyingi zagendera mu bintu ebitaali ku mbalirira.
Alipoota era eraze nga gavumenti bwebanjibwa obuwumbi 199 ez’akasiimo k’abakozi abatanasasulwa.
Era okusinziira ku alipoota eno gavumenti etubidde n’amabanja g’abagimegga mu kkooti nga zino ensimbi zino ziri obutabalika buna n’obuwumbi 3 okuva ku buwumbi 34 zebaali bababanja omwaka oguwedde.
Mu mwaka gwegumu gavumenti y’assudde obuwumbi 26 eri emirimu naddala egy’okuzimba enguudo egibadde gizingamye.
Kati bw’abadde akwasibwa alipoota eno, sipiika Rebecca Kadaga asuubizza nga palamenti bw’egenda okutuula etunule mu nsonga zino era ababulankanya ensimbi zino zibalakire.
