Amawulire

Ensonga z’abakuumi mu makomera abatasaasulwa zikyalanda Olwaleero ab’amakomera bakomyeewo mu palamenti okunyonyola lwaki tebasasula bantu baabwe yadde nga tebagobwangako. Akulira amakomera  Johnson Byabashaija bino abiwakanyizza ng’agamba nti ssi kituufu era abantu bano tebabanja Aboogerwaako baali bakuumi e Kasese nga bali mu 250 nga bategeezezza  palamenti bagoobwa ku mirimu kyokka nebataweebwa bbaluwa zibagoba ate nga tebasasulwa musaala Byabashaija agamba bakunonyereza…

Poliisi ye Moroto etandise okunonyereza ku bigambibwa nti waliwo maama eyatokosezza omwanawe muntamu n’amutta ku kyalo  Nakapelimen . Akulira okunonyereza ku misango ku poliisi ye Moroto  John Omwony agamba baasindise dda basajja baabwe okuyigga kalittima ono akyaliira ku nsiko.   Poliisi yatuuse ewabadde enjego eno n’esanga nga  omulambo gw’omwana ono nga yenna eddiba kumpi tekuli oluvanyuma lw’okufumbibwa mu…

Abayimbi abaddamu ennyimba z’omugenzi Elly Wamala nga tebafunye lukusa bakukubwa mu mbuga z’amateeka. Lydia Wamala ngono yomu ku bawala bomugenzi agamba nti ennyimba za Wamala zirimu obubaka era zisomesa abantu nga n’okuziddamu okuziyimba awatali kuweebwa lukuusa  kiwebuula ekitiibwa ky’enyimba zino. Bo abayimbi 15 abakkirizibwa okuddamu okuyimba ennyimba zino bakusanyusa bannayuganda mu kivvulu ekitegekeddwa okujjukira nga bwegiweze emyaka…

Bannayuganda abaweza ebitundu 36 ku kikumi beebatasobola kufuna mazzi mayonjo Kamisona akola ku kubunya amazzi amayonjo mu byaalo mu minisitule y’amazzi Joseph Eyatu agamba nti disitulikiti ezisinze okukosebwa kwekuli Kiruhura, Bugiri, Lyantonde, Ssembabule ne Karamoja. Eyatu agambye nti abantu mu bitundu bino batambula engendo empanvu ddala okufuna amazzi ate nga nago gaba majama Ono agamba nti ebintu okukyukamu…

Abaaliko abakuumi mu makomera okuva e Kasese beekubidde enduulu nga bagaala kusasulwa olw’okugobwa mu bukyaamu. Ba ofiisa bano abawerera ddala 40 olwaaleero bategeezezza ababaka abatuula ku kakiiko akakola ku by’okwerinda nti baagobwa wakati w’omwaka 2007 ne 2008 naye nga tebafunye kiwandiiko kyonna. Bano nga bakulembeddwaamu Hassan Esungwa ne Sunday Muhindo bagamba nti buli Muntu agobwa alina okuweebwa…

Ekitongole ekiwooza ekya Uganda Revenue Authority kigamba nti kyandiddamu okwetegereza endagaano gyekyakola ne kkampuni ya baasi eya Pioneer. Omwaka oguwedde, ekitongole kino kyadda omukono ku ndagaano ne pioneer egikkiriza okukola nga bw’esonda mpola ebbanja ely’obuwumbi 8. Akulira ekitongole kino Doris Akol agamba nti kkampuni eno eremereddwa okudda engulu nga tebakyalina ngeri yakuyamba Ono wabula tayogedde kiki kyebagaala okuzikolera

Kyaddaaki gavumenti ekkirizza okuliyirira abafumbo ababbibwaako omwana waabwe omulungo mu ddwaliro e Mulago mu mwaka gwa 2012 Omuwaabi wa gavumenti Ojambo Chikpi  y’ategeezezza bino bw’abadde mu maaso g’omulamuzi wa kkooti enkulu Lydia Mugambe Ojambo agambye nti baliko webatuuse n’abafumbo bano Michael Mubangizi ne Jennifer Musimenta era nga kati bali mu kwebuuza ku muwi w’amagezi eri gavumenti ku…

Amadduuka ku kizimbe kya Forest Mall e Lugogo gakyaali maggale oluvanyuma lw’ekitongole kya KCCA okuggala ekizimbe kyonna. Ku mulyango gwaakyo kussiddwaako ekipande kya KCCA era nga n’abasuubuzi tebateganye kulinnya kigere. Abakungu ba KCCA  abakola ku by’obuzimbi olwaleero besozze akafubo n’abaddukanya ekizimbe kino okulaba ng’ebikibulako biterezeebwa KCCA ennaku zino ebadde eggala ebizimbe byonna ebitalina bisanyizo byonna era nga bingi…

E Kalungu Abatuuze bakkakanye ku mubbi w’emmwanyi nebamukuba mizibu egimugye mu budde. Allen Matovu nga mutuuze we Gayaza- Kawoko akwatiddwa lubona nga akungula byatasiga mu musiri gwa Kulazikulabe nebamuligita emigoba nte egimuggye mu budde. Okutwalira amateeka mu ngao kuno kubadde ku kyalo  Kitabyama oluvanyuma  lwa Matovu n’omusajja omulala afubutuse bwebakwatiddwa lubona nga banoga emmwanyi zamunaabwe. Abatuuze bategezezza nga…