Amawulire

Kkooti enkulu eyongezaayo okuwa ensala yaayo ku kujulira kw’omusawo eyasingisibwa  omusango gw’okukuba omwana empiso gyeyali yefumise nga ate alina siriimu. Ensalawo eno eyongezeddwayo  okutuusa nga 28 omwezi guno. Rose Mary Namubiru awakanya ekibonerezo ky’okusibwa emyaka 3. Ono abadde alabiseeko mu kkooti eno mu maaso g’omulamuzi labiseeko maaso g’omulamuzi  Albert Frank Rugadya wabula omuwandiisi wa kkooti n’abategezezza nga omulamuzi…

Ababaka babiri okuli Sozi Kaddu Mukasa ne Issa Kikungwe boolese okugobwa mu palamenti lwabutalabikako Sipiika wa palamenti omukyala Rebecca Kadaga amaze okuwaayo amannya g’ababaka bano eria kakiiko akakwasisa empisa okunyonyola lwaki tebakola mirimu gyaabwe. Kaddu akiikirira bantu be Mityana mu bukiikaddyo ate Kikungwe we Kyaddondo mu bukiikaddyo Kadaga agambye nti ababaka bano ababiri bayitirizza okwoosa ate nga tebamutegeeza…

Kkooti enkulu e Masaka egaanye okuyimbula kafulu mu kuvulumula emmotoka z’empaka Ponsiano Lwakataka Omulamuzi Margret Ouma Oguli agambye nti takakasa nti Lwakataka anaddamu okulabikako mu kkooti ssinga ayimbulwa Omulamuzi era agambye nti omukulu ono asobola n’okuyingirira okunonyereza kwaabwe n’atta omusango. Bannamateeka ba Lwakataka babadde basabye nti omuntu waabwe ayimbulwe kubanga alina obulwadde obuzibu nga yeetaga kujjanjaba Bano nga bakulembeddwaamu…

Akakiiko ka palamenti akabalirira ensimbi z’omuwi w’omusolo kagaala pulezidenti ave mu maka ge agamu gaweebwe omumyuka we Amagezi gano gaweereddwa abakungu okuva mu minisitule ekola ku nsonga z’abakozi abalabiseeko mu palamenti okunyonyola ku alipoota wa ssababazi w’ebitabo bya gavumenti Ababaka ku kakiiko kano akakulirwa Alice Alaso bagambye nti kikwasa ennaku nti ensimbi za mirundi ebiri ezisasanyizibwa ku…

Abalwanirizi b’eddembe ly’omuntu bagamba nti gavumenti tekoze kimala kutangira ntalo za mawanga mu bitundu bye Rwenzori Entalo zino eziri wakati wa abakonzo n’aba bamba zaaleka abantu abasoba mu kyenda nga balusuddem akaba Mu kiwandiiko ekissiddwaako omukono gw’omunonyereza mu kibiina kya Human rights watch, Maria Burnet agambye nti gavumenti yandibadde enonyereza okuzuula wa awaava obuzibu n’engeri y’okubwewalamu nate. Bano…

Gavumenti esabiddwa okukola ennyo okukyuusa ku mbeera z’abakyala Ab’ekibiina ekigatta abakyala abasuubuzi, bagamba nti abakyala bangi bakyasanga obuzibu bungi mu kwewola ensimbi okwetandikirawo emirimu ekibalemesezza okwekulakulanya Akulira olukiiko olufuga ekibiina kino Hope Jemimah Kasimbazi agambye nti gavumenti yandibadde esalawo nti ensimbi eziweza ebitundu 50 ku kikumi eza NAADS ziweebwe bakyala Abakyala bano banjizza enteekateeka zaabwe ez’omwezi guno nga…

Abakulembeze okuva mu Ghana, Nigeria ne Senegal bakyaddeko mu ggwanga lya Burkina Faso okwongera okusindikiriza amaggye okukwasa abantu obuyinza Ab’omukago gw’amawanga ga Africa bagamba nti amaggye gamenye mateeka okuwamba obuyinza okuva ku bantu abasindikiriza Blaise Compaore eyalia maamidde obuyinza. Abantu beekyaawa nebagoba omukulembeze waabwe nga bamulanga kubeesibako ng’ate bamukooye

Okugezesa eddagala eriyinza okujanjaba Ebola ku kutandise mu ggwanga lya Switzerland mu kibuga  Lausanne. Eddagala lino lyakoleddwa abakampuni enkozi ye ddagala eya Glaxosmithline nga era abantu 120 bewaddeyo mu kugezesa eddagala lino. Ebola yakatta abantu abasoba mu 5000 n’okusingira ddala mu bugwanjuba bwa Africa.

Abakulembeze ba disitulikiti ye Kalungu baziriridde omubaka omukyala ow’ekitundu kino emikolo gy’okukuza olunaku lw’abakyaala nga bagamba gitegekeddwa mu budde bukyamu. Emikolo gino gyategekeddwa omubaka w’abakyala mu Kitundu kino  Florence Kintu wali ku  Yesu Akwagala Primary school wabula abakulembeze omuli ne bakansala nga bakulembeddwamu ssentebe wa disitulikiti eno Emanuel Musoke nebajimuziririra yadde nga baayotiddwa mu butongole. Musoke agamba…