Amawulire

Bya Prossy Kisakye, Okwetwala mu malwaliro amanene awatali kulungamizibwa okuva eri abavunanyizibwa kinokodwayo okuba ekimu kukiviriddeko eddwaliro lya gavt erya Kawempe National Referral Hospital okuba nomujjuzo ogusukiridde. Eddwaliro lino likyasumbuyibwa ne kizibu kyomuwendo omunene ogwa bannakazadde abeyuna okuzaalirayo nokunywerayo eddagala okuva mu malwaliro amatono aga health center IIIs, nga gano gazaaliza buzaalisa tegalongoosa Kyokka byo ebikozesebwa ku ddwaliro…

Bya Benjamin Jumbe, Omukulembeze weggwanga YK Museveni avumiridde ekya babaka abali ku ludda oluvuganya okwekandaga ne bafuluma palamenti ku byokukwatibwa kwa banabwe. Ku lwokusatu lwa ssabiiti eno ababaka aboludda oluvuganya nga bakulembedwamu omukulembeze wabwe Mathius Mpuuga, batambula ne bava mu sseteserezo nga bawakanya engeri babaka banabwe Allan Ssewanyana ne Mohamed Ssegirinya gyebakwatibwamu wadde nga kkooti yali ebayimbudde…

Bya Ivan Ssenabulya,  Bannanyini mawoteeri mu disitulikiti ye Mukono bakwataganye ne gavumenti mu ntekateeka ezokugema ekirwadde kya ssenyiga omukambwe. Basazeewo okuggulawo woteeri zaabwe nebifo ebisanyukirwamu, bikozesebwe okugemeramu abantu. Joseph Mugisha owa Pearl Resort Hotel-Mbalala Mukono agambye nti woteeri zirina enkizo okuyambako gavumenti obutasasaanya nnyo okupangisa ebikozesebwa nga weema, obutebe n’ebirala. Kino era agambye nti kyakuyamba abantu obutatambula ngendo mpanvu…

Bya Benjamin Jumbe, Gavumenti okuyita mu minisitule evunanyizibwa ku byobusuubuzi na makolero nkakafu nti egenda kufuna bamusiga nsimbi ntoko okuva mu mawanga ga bawarabu nokwetoloola ensi eyonna okuyita mu mwoleso gwa Dubai Omwoleso guno gutandise leero nga gwakutwala ebbanag alya myezi 6 mu kibuga kye Dubai. Minisita omubeezi owe byobusuubuzi Harriet Ntabazi atubuulidde nti Uganda omwoleso guno egwetegekedde…

Bya prossy kisakye Akakiiko ka palamenti akavunanyizibwa kunsonga zé kikula kya bantu na bakozi, kakutandika ssabiiti ejja omulimu ogwokudamu okwekenenya ebbago lye tteeka erikwata ku nsimbi za bakozi erya NSSF Bill. Omukulembeze weggwanga Museveni yakomyawo ebbago lye tteeka lino mu palamenti nga ayagala ennongosereza zikolebwe mu kawayilo aka 24 akakwata ku kyomuteresi awezeza emyaka 45 okuweebwa 20%…

Bya Malikh Fahad Abasirikale ba poliisi 4 babadusizza kipayoppayo okubatwala mu ddwaliro ekkulu e Masaka bwebafunye akabenje amakya ga leero. Omwogezi wa poliisi mu maserengeta ga Uganda Muhamad Nsubuga agambye nti akabenje kano kaagudde ku kyalo Kidda ku luguudo lw’eMasaka. Omugoba wa mmotoka ya poliisi kika kya Kangali, yamulemeredde neva ku luguudo neyevulungula. Mmotoka eno eteomedd abasirikale ba poliisi…

Bya Juliet Nalwooga Ssenkulu wettendekero lye Makerere Prof Ezra Suruma asabye abayivu bulijjo okulaganga entekateeka enagobererwa eri abakulembeze okutereza ebyenfuna. Prof Suruma, nga yaliko minisita webyensimbi, abadde ku mattikira gettendekero lya Makerere University Bussiness School (MUBS), agomulundi ogwe 15. Wabula atenderezza abakulu ku ttendeero, akaze obutaweera okutumbula ebyenjigiriza nga waliwo nabakugu abafunye zzi PHD. Abayizi abasoba mu 1,400 bebattikiddwa,…

Bya Musasi Waffe Ssentebbe ow’olukiiko olwa waggulu oluddukanya obusiraamu, olwa Uganda Muslim Supreme Council, Hajj Abdul Nadduli ayambalidde Mufti wa Uganda Sheikh Shaban Ramadhan Mubajje amulumiriza okwekobaana n’olukiiko olwa General Assembly okutigatiga ssemateeka. Hajj Nadduli agambye nti wewaawo wabaddewo obwetaavu okukyusa mu Ssemateeka, babadde batekeddwa ensonga okusooka okuzanjula eri General Assembly nebakikakasa Ennyingo eya 23 mu ssemateeka waabwe yawa Assembly…

Bya Benjamin Jumbe Ekitongole ekivunayizibwa ku kukuuma obutonde bwensi mu gwanga, National Environment Management Authority (NEMA) balangiridde nti batandise ebikwekweto ku banatu abayikuula entobazi nga basima omudenyu, mu masekati ga Uganda. Bagambye nti ebikwekweto bino bigenda kubeera mu disitulikiti okuli Mpigi, Gomba, Butambala ne Kasanje mu Wakiso. Ekitongole kitegezezza nga bwebakwakwata abantu 2, era baakuyambako mu kunonyereza ku…

Bya Damalie Mukhaye Minisita owebyenjigiriza nemizannyo Janet Museveni olwaleero alindiriddwa okufulumya kalenda yebyenjigiriza empya, eyalongoseddwa nga yegenda okugobererwa mu kuggulawo amasomero, omwaka ogujja. Omukulembeze wegwanga Yoweri K. Museveni yalagira amatendekero aga awaggulu nezi univasite ziggulewo nga 1 Novemba atenga amasomero aga primary ne secondary gaakuddamu mu January omwaka ogujja. Kai mu mbeera eno, minisitule yebyenjigiriza nemizannyo etekeddwa okulungamya…