Amawulire

Bya Prossy Kisakye, Minisita ow’ekikula ky’abantu, abakozi n’enkulakulana y’embeera z’abantu, Betty Amongi asabye abakulembeze b’ebyobuwangwa n’eddiini okwongera okwenyigira mu kaweefube w’okumalawo obufumbo bw’abaana abato n’embuto zebafuna nga tebanetuuka. Minisita ategeezezza nti obubi obuli mu kufumbiza abaana n’okubafunyisa embuto byongera okusajjuka wakati mu kwerimbika mu kawefube owokutumbula obuwangwa ne ddiini mu bitundu by’eggwanga eby’enjawulo. Bino yabyogeredde mu nsisinkano ne…

Bya Prossy Kisakye, Ababaka ba palamenti abava mu bitundu bye Karamoja baagala baminisita bombi avunaanyizibwa ku nsonga z’e Karamoja balekulire nga babalumiriza okukwata bubi ebintu ebyali ebigendereddwamu okuganyula abantu b’e Karamoja abaakosebwa okuggyibwako emmundu. Bwabadde boogera eri bannamawulire ku palamenti, ababaka bano nga bakulembeddwaamu ssentebe waabwe Remigio Achia, balumirizza minisita omubeezi ow’ensonga z’e Karamoja Agnes Nadutu ne…

Bya Rita Kemigisa, Ekibiina pmwegatira enzikkiriza mu ggwanga ki IRCU, kisabye wabeewo obukuumi eri abaana n’amaka wakati mu kweyongera kwómuzze gwóbuli bwebisiyaga mu ggwanga. Bwabadde ayogerako eri bannamawulire enkya ya leero, Ssaabalabirizi w’ekkanisa ya Anglican, Stephen Kaziimba Mugalu alaze obweraliikirivu nti bangi ku bavubuka basendasendebwa okulya obisiyaga nga babasuubiza ssente, ebintu n’ebiseera eby’omu maaso ebirungi. Kaziimba agamba nti…

Bya Rita Kemigisa, Aggye lye ggwanga erya UPDF lisambazze ebigambibwa nti lyawamba n’okutulugunya omuwagizi w’oludda oluvuganya gavumenti. Kino kiddiridde ebifaananyi okuvaayo nga biraga omusajja alina obubonero obuteeberezebwa okuba nga yatulugunyizibwa mu kifubakye. Ebifaananyi bino byasoose kufulumizibwa mukulembeze w’ekibiina kya National Unity Platform (NUP) Robert Kyagulanyi aka Bobi Wine eyagambye nti omuwagizi we, Eric Mwesigwa yabula wiiki bbiri eziyise. Yeewozezzaako…

Bya Juliet Nalwoga, Ekibiina kya Human Rights Watch kisabye gavt ya Uganda okukyusa okusalawo kwayo ku kyókugoba ekitongole kye kibiina kya mawanga amagatte ekirwanirira eddembe lyobuntu mu ggwanga lino. Ngennaku zómwezi 6th February 2023, Minisitule ya Uganda ey’ensonga z’ebweru yategeeza ofiisi yékitongole kino mu Uganda nti tegenda kuzza buggya ndagaano yaayo oluvanyuma lwe bbanga lya myaka 3…

Bya Prossy Kisakye, Ssaabawolereza wa gavumenti Kiryowa Kiwanuka ayagala ebbago ly’etteeka ery’obuyambi mu by’amateeka erya National Legal Aid Bill, 2022, liggyibwewo ng’alaga nti liyinza okukosa gavumenti mu by’ensimbi. Bino abyogedde ng’ali mu maaso g’akakiiko ka palamenti ak’ebyamateeka enkya ya leero, n’agambye nti gavumenti yakukozesa ensimbi ezisoba mu buwumbi 47 okussa mu nkola ebbago lino nga limaze okuyisibwa…

Bya Juliet Nalwooga, Poliisi mu disitulikiti y’e Bunyangabu eri mu kuyigga abasajja mukaaga abateeberezebwa okudduka mu kaduukulu ka poliisi. Vincent Twesigye, omwogezi wa poliisi mu bitundu by’e Rwenzori agamba nti abakwate baatolose mu kaduukulu k’abakazi ku poliisi enkulu e Bunyangabu gye babadde batwaliddwa okumala akaseera okuggya omugotteko mu busenge bw’abasajja. Twesigye avunaana ebyabaddewo ku bugayaavu bw’omukuumi eyali ku…

Bya Ruth Anderah, Waliwo abantu 10 abasimbiddwa mu kooti nebavunaanibwa emisango egyekuusa ku nvuba embi. Abavubi bano nga bakulembeddamu Ronald Odur basimbiddwa mu maaso g’omulamuzi Sanula Namboozo , kyoka emisango gyonna ne bagyegaana Obujulizi obuleeteddwa bulaga nti mu February 1st 2023 ku Nyanja Kyoga e Rwampanga mu district ye Nakasongola bano baasangibwa bavuba nga tebalina lukusa. Omusango gwongezedwayo okutuusa…

Bya Prossy Kisakye, Abavuganya gavumenti okuva mu kibiina ki National Economic Empowerment Dialogue balabudde gavumenti okwewalira ddala okulowooza ku byokulagira amasomero ebisale bye balina okusasuza abayizi. Kinajjukirwa nti mu kaweefube w’okukoma ku masomero ageefudde amasuubuzi gavumenti yali eteesa nti ebisale byebasasuza abayizi ebiteeko ekkomo, kitaase abazadde abayagga. Akulira ekibiina ki National Economic Empowerment Dialogue Joseph Kabuleta, abalabude nti…

Bya Kevin Githuku, Abakulu mu tendekero ly’e Makerere batubuulidde nti okutandika n’omwaka omwaka gw’ebyensoma ogujja baakutandika okusomesa abayizi essomo ely’okubakyusa endowooza mu masomero gonna ag’e makerere. Bino byogeddwa amyuka akulira etendekero lino Prof. Barnabas Nawangwe  ku matikkira g’e tendekero lino ag’omulundi ogw’e 73 agayingidde olunaku olw’okubiri. Nawangwe agamba nti abayizi bagwana okuyiga obuntu obutonotono nga enjogera ennungi, eneeyisa…