Ab'ekitongole ekiwooza ekya URA bakkirizza okuggulawo Mateos ne Nandos.
Aba Mateos ne Nandos bakkirizza okusasula ebbanja mu misolo egibabanjibwa
Mateos bajibanja obukadde 150 ate Nandos bagibanja obukadde 250.
Omwogezi w’ekitongole kino, Allan Sempebwa agamba nti baludde nga babanja abaddukanya ebifo bino kyokka nga tebenyeenya
Ali Mivule amivule
Aba China abagenze okusengula amaalo kibaweddeko emizimu bwegitisse bannanyini ttaka negirayira obutasengulwa
Bino bibadde Nakigalala Kajjansi ab’ekitongole ky’enguudo ekya UNRA gyebali mu kukola oluguudo lwa Express highway.
Emizimu giremesezza aba tulakita abazze okusenda okukkana ng’ebyooto bikumiddwa okugikkakkanya era nga tewali kusenda kugenze mu maaso.
Bannayini ttaka lino bagamba tebawakanya nkulakulaana kyokka kyebagaala kwekusasulwa basengule bulungi abantu baabwe
Abatunda amafuta amatabule ku luno bubakeredde
Okusinziira ku mateeka amapya, omuntu yenna anasangibwa n’amafuta amatabule wakusasula ebitundu 10 ku kikumi z’emaali ye
Akulira ekitongole ekikola ku mutindo gw’ebintu Ben Manyindo agamba nti olw’amaanyi gebayongera ku nsalo, kati amafuta bagatabulira mu kkubo nga gali mu Uganda
Manyindo agamba nti kati bagenda kutalaaga eggwanga lyonna nga beetegereza amafuta agatundibwa okulaba…
Omuvubuka ow’emyaka 14 yoomu kw’abo 5 abasingisiddwa omusango gw’okutemula mukama waabwe.
Josephine Nalwadde yattibwa mu mwaka gwa 2012 mu bitundu bye Kamengo Mpigi.
Abasingisiddwa omusango kuliko Jerevasio Kabagambe, John Muhigo, Jackson Kivumbi, John Musisi ne David Mwanje ow’emyaka 14.
Mu nsalawo ye,Omulamuzi Jane Alividza agambye nti afunye obujulizi obukakasa nti abakulu bano beekobaana nebatta omukyala ono.
Obuzibu bwonna bwava…
Namukadde w’emyaka ekinaana, enviiri zimuvudde ku mutwe bw’afunye ebbaluwa okuva eri abagaba ez’obukadde nga eraga nti yafudde
Omukyala ono Fulton ebbaluwa emutuuseeko nga wayise omwezi bukyanga ewandiikibwa
Omukyala ono yecwacwanye n’ategeeza nga yye bw’ali omulamu yadde nga bafubye okumukkakkanya
Kkampuni esoose kumwetondera ng’eddamu okumuwandiikira olwo n’akkakkana
Mu ggwanga lya South Africa abakozi batabuse nebatta omusajja nga bakozesa emicungwa
Gwebakubye emicungwa abadde mukozi munaabwe nga bafunyeemu obutakkaanya
Omusajja ono tabaddeko buvune bwonna nga poliisi egamba nti ntiisa y’emusse
Algeria eyimirizza okuzannya omupiira okumala ekiseera ekitali kigere oluvanyuma lw’okufa kw’omuzannyi wa Cameroun Albert Ebosse
Kino kisaliddwaawo ekibiina ekitwala omupiira gw’ebigere mu ggwanga lya Algeria
Ebosse, ow’emyaka 24 yakubiddwa ejinja ku mutwe n’afa bweyabadde ava ku kisaawe ng’eggwanga lye lisamba ne Algeria
Ab’obuyinza mu Algeria babadde balangiridde dda okuggala kw’ekisaawe omwabadde omupiira guno nga kino kyazimbibwa mu mwaka…
Ab’ekitongole ekikola ku by’okubala abantu bagonze nebongeza ku bagenda okubala abantu ensimbi
Kiddiridde abatendekebwa okubala abantu e Kawempe okuva mu mbeera nebeekalakaasa ssabbiiti ewedde nga bagamba nti enkumi essatu ezibaweebwa olunaku ntono nnyo
Bano kati bakusasulwa shs 5000 ate bwebanamala okutendekebwa olunaku lw’enkya basasulwe enkumi ssatu buli lunaku okutuusa lwebanaamala okubala abantu
Nga buli kimu kiwedde bakusasulwa omusaala…
Okukozesa eddagala ly’ebika ebibiri erigema poliiyo kisobola okuyamba okutangirira ddala ekirwadde kino okukwata omuntu
Okunonyereza okukoleddwa mu buyindi kulaga nti ssinga omwana aweebwa akadagala k’omu kamwa ate n’agattako empiso olwo agumira ddala nekitaba kyangu okufuna poliiyo
Ekibiina ky’ebyobulamu mu nsi yonna kigamba nti ebizuuliddwa biwa essuubi era bya byafaayo
Obulwadde bwa poliiyo buvaako omuntu okugongobala oluusi ekivaako okufa
Palamenti mu ggwanga lya Sierra Leone liyisizza etteeka erigufuula omusango omuntu okukweeka omulwadde wa Ebola
Anakwatibwa wakusibwa emyaka 2 .
Kati etteeka lino lisigalidde kussibwaako mukono gwa mukulembeze wa ggwanga
Lyo eggwanga lya Ivory Coast liggadde ensalo zaalyo okwewala okufuna ekirwadde kino ekifuuse ensonga mu nsi wonna.
Kyo ekibiina ky’ebyobulamu eky’ensi yonna kigamba nti amawanga agafubye okunyikiza olutalo ku…