Poliisi ye Wandegeya etandise okunonyereza ku muyizi wa yunivasite ye Makerere eyasangiddwa ng’afudde mu Hostel emu, akawungeezi akayise.
Juliet Piloya abadde omuyizi mu mwaka ogw’okusatu asangiddwa ng’afudde mu kisulo kya Kyoga esangibwa mu Kikumikikumi okumpi ne Wandegeya.
Aduumira poliisi ye Wandegeya Jackson Mucunguzi agambye nti okunonyereza okwakakolebwa kulaga nti omuyizi ono abadde n’ekirwadde ekimutawaanya era nga kirabika…
Akakiiko k’eby’okulonda kalaze okutya, olw’omuwendo gw’abavubuka, abasemba okulonda okweyongera, ekiyinza okukosa okulonda kwa 2016.
Alipoota ziraga nti mu mwaka gwa 2011 bana Uganda 42% beebazira okulonda.
Akulira akakiiko k’ebyokulonda Eng. Badru Kigundu agambye nti abavubuka abasinga obungi tebagala kumanya ku bikwatta ku kulonda, kyokka okulonda bwekuggwa nebegatta n’abawanguddwa nebatandika okutabangula eggwanga.
Kigundu okwogera bino abadde atongoza kawefube atumiddwa…
Bannakibiina kya NRM abasoba mu 5000 abawangulwa mu kamyuka k’omwaka 2010 battudde olutalo nga bagaala ebyava mu kunonyereza bifulumizibwe
Okunonyereza kuno kwatongozedwa eyali akulira akakiiko ka NRM ak’okulonda Prof Elijah Mushemeza ne Alhajji Moses Kigongo oluvanyuma lw’abaali besimbyeewo okulumiriza banaabwe okubba akalulu.
Abeesimbawo bano nga bakulembeddwaamu Justine Odongo bagamba nti kyannaku nti abakulu mu kibiina bazze basisinkana…
Nga omusujja gwomulubuto kyegujje gubalukewo mu bitundu by’eggwanga eby’enjawulo,aba KCCA basitukiddemu nebaggala ekiriiro ky’emmere ekya bakoleya ekya Arirang Restaurant.
Bano bagaddwa lwa bucaafu nga era basangiddwa n’enkoko envundu.
Amyuka omwogezi wa KCCA Robert Kalumba ategezezza nga abalambuzi baabwe ab’eby’obulamu bwebabaguddeko awatali kulabula nebasanga nga obucaafu bufumbekedde mu ffumbiro ekiyinza okulwaza abalyayo emmere.
Aweze nga bwebakyaggala ebifo ebirala ebitatuukagana…
Munnamawulire Danny Kyazze afudde.
Kyazze afiiridde ku myaka 72 oluvanyuma lw’okumala akabanga nga atawanyizibwa ekirwadde kya kookolo.
okusinziira ku mutabaniwe omukuku Danny Kyazze Junior ,omugenzi abadde ku ndiri emyezi etaano okutuusa mungu bw’amuyise mu kiro ekikeesezza olwaleero wali ku ddwaliro lya Kadic.
Kyazze amaze emyaka 50 mu mawulire nga era y’akolerako ku Radio Uganda, n’emikutu gy’amawulire emirala.
Abadde mukama…
E Lira ebikumi n’ebikumi by’abawagizi b’ebibiina ebivuganya gavumenti basaze eddiiro nebegatte ku kibiina ekiri mu buyinza ekya National Resistance Movement.
Bano okusinga baabulidde bibiina bya FDC ne UPC nga era balangiridde mu lukungaana pulezidenti Museveni lw’akubye mu tawuni ye Lira.
Abamu bategezezza nga bwebasaze eddiiro olwo’bwavu obubwesibyeko nga olukokobe ssaako n’obuvuyo obutata mu bibiina gyebabadde.
Yye omukulembeze w’eggwanga…
Katikiro wa Buganda Charles Peter Mayiga awanjagidde abantu ba Ssabassajja okufaayo okulabirira abaana nokubasomesa kubanga lye’ssuubi lya Buganda ery’ebiseera ebyomumaaso.
Katikiro avumiridde ekyabazadde okumala gazaala nebasulirira obuvunayizibwa okulabirira abaana nga bawoza mbu buli mwana nomukisa gwe.
Abadde wa mutaka Charles Ssemanda mu kibuga Mukono gy’akunganya ettoffaali nategeeza nti enkola eno ya dda nyo tegwanidde ku mulembe guno…
Kamalabyona wa Buganda Owekitiibwa Charles Peter Mayiga avumiridde eky'abaana abayise obulungi ebigezo okwekuba mu mawulire ekisukkiridde ebiro bino.
Abadde ku ssomero lya Bishops Senior Secondary School Mukono gyeyakeredde olwaleero mu kusolooza ettofaali, nategeeza nti omulamwa omukulu eri abaana kuba kuyita kalenga okuyisa ebivulu ekisukkiridde kiba tekigwaanidde nalabula nti kino bwekitakome kigenda kukosa ebyenjigiriza.
Ajjukizza Obuganda ku nsonga…
Abantu basatu beebafiiridde mu kabenje akabedde ku luguudo oluva e Kampala okudda e Masaka taxi bbiri bwezitomeraganye
Akabenje kano kagudde kayabwe nga Taxi namba UAV 723 A ebadde eva e Masaka ekonaganye butereevu n’endala namba UAN 947.
Atwala poliisi y’omu Katonga Fabian Betumiza agambye nti ku bafudde kuliko Ronald Lukyamuzi, Emmanuel Sebyala n’omulala ategerekeseeko erya Ssekimpi
Abantu abalala…
Minisitule y’ebyobulamu erangiridde nga bwewabaluseewo obulwadde bwa Typhoid mu Kampala, Mukono ne Wakiso
Abantu babiri bakakasiddwa okuba nga bafudde ate abalala 142 bbo balina obubonero naye ebivudde mu musaayi tebinnafuluma
Ab’ebyobulamu bakekebejjako abantu munaana era nebakakasa nti babulina
Atwala ebyobulamu mu minisitule y’ebyobulamu Jane Achieng agamba nti abalina ekirwadde kino beebakolera mu katale ke Nakasero , Nabukeera plaza,…