Amawulire

Poliisi ekubye omukka ogubalagala mu bayizi ba Makerere University Business School ababadde beekalakaasa nga bakungubagira bannaabwe abattiddwa motoka eyawabye olunaku lwajjo. Abayizi bano baabadde ku gaabwe era nga beebamu ku bataano abakoseddwa Abayizi ababadde batasalikako musale babadde bagaala kusiiga langi mu kifo awabadde akabenje kifuulibwe ekisalibwaamu okukendeeza ku bubenje Bano era batataaganyizza ebyentambula ng’emotoka ziwaliriziddwa okuyita e Ntinda Atwala…

Obumu bwebusobola okuzza Buganda  ne Uganda ku ntikko .. Obubaka buno buweereddwa Katikiro wa Buganda Charles Peter Mayiga mu kusolooza ettaffaali kwaliko mu ssaza lya ssabasajja e Kyaggwe. Katikiro ategezezza nga obumu bwebusoboloa okuleetawo obwenkanya mu ggwanga olwo amazima negagoberera nga era bino bikulu nyo mu nkulakulana y’eggwanga. Katikiro era atabukidde bannabyabufuzi abasuubiza abalonzi baabwe empewo olw’okubulwa amazima. Katikiro…

Munnayuganda omusawo nga awangaalira mu ggwanga lya Australia  Dr. Aggrey Kiyingi atemye  ssabapoliisi w’eggwanga Gen Kale Kayihura akakule ku by’okumukwatira mu Australia. Kino kiddiridde  Gen Kale Kaihura okutegeeza nga bwebasobola okufuna obuyambi okuva eri poliisi y’ensi yonna nebakwata Kiyingi ku bigambibwa nti alina akakwate ku bayeekera abaagala okulumba eggwanga. Wabula Kiyingi agamba ssimutiitiizi era yeetegese ekijja kijje…

Eyali ssabaminisita w’eggwanga  Amama Mbabazi ategezezza nga bwatagenda kwawukana ku mateeka ga kibiina kye ekya NRM mu kusalawo ekkubo lye eby’obufuzi. Nga asisinkanyemu abavubuka ba NRM abeeyita abaavu, Mbabazi ategezezza nti  ekibiina kye ekya NRM bwekilambika bulungi amakubo omuntu g’alina okuyitamu okufuuka omukulembeze nga kale galina okugobererwa. Gyebuvuddeko ekibinja ky’abavubuka bano balumbye  amaka ga  Mbabazi e Kololo…

Sylvia Namutebi amanyiddwa nga Mama Fina  kyaddaaki azzeemu okulondebwa ng’omukulembeze w’abasawo b’ekinnansi. Okutikkira Maama Fiina ekitiibwa kino wabula tekubuzeeko katemba nga buli omu alaga amaanyi g’emizimu gye Maama Fina era agenda kuba nga y’akulira abakola eddagala ly’ekinnansi. Okulondebwa kwe kukomekerezza entalo ezibadde nga mu basawo bano Ng’ayogerako eri basawuzi banne ,maama Fina agambye nti agenda kutandikira ku kumalawo njawukana. Maama…

Ng’abakulisitu batandika ekisiibo, baweereddwa amagezi okusabira ennyo eggwanga nti ligweemu abezibika ensimbi z’omuwi w’omusolo Olwaleero abakirisitu lwebatandise ekisiibo kyaabwe nga mu bakatolika n’abakulisitaayo wabaddewo okusiiga evvu Omulwanyi w’enguzi kayingo Faaza Gaetano Batanyenda asabye katonda okukwata ku mitima gy’abakulembeze mu Uganda naddala abo ababwebwena ezitali zaabwe Father Gaetano asabye wabeewo emirembe n’okwezza obuggya mu kaseera k’ekisiibo kino.

Abavubuka abawagira eyali ssabaminista Amama Mbabazi balayidde okugenda mu maaso n’entegeka zaabwe ez’emisinde gy’omutolontoko mu Kampala yadde poliisi yaweze okubagaana Abavubuka bano bategese emisinde gino nga 23 omwezi guno nga bakukungaanya engoye, emmere n’ebirala okuwa abataliiko mwasirizi mu buvanjuba bw’eggwanga Bano bagamba nti bategeezezzaako dda ssenkaggale wa poliisi Atwala abavubuka bano Richard Kirekyankuba agamba nti zino zeezimu ku…

Okukubaganya ebirowoozo ku bbago ly’etteeka ly’amaka kuzzeemu mu palamenti Sipiika wa palamenti omukyala Rebecca Kadaga yali yakuyimiriza mu mwaka gwa 2013 oluvanyuma lw’ababaka okusaba beebuze ku balonzi baabwe Ebbago eryogerwaako mwemuli obuwaayiro obulambika abafumbo engeri gyebawukanamu kko n’engeri gyebabeerawo nga lino litongoza n’obufumbo bwa kawundo kakubye eddirisa Kadaga asabye atwala emirimu gya gavumenti mu palamenti okutegeka alipoota ye…

Omusajja kaggwensonyi akkidde namukadde w’emyaka 93 n’amukaka omukwano Bino bibadde ku kyaalo Kabuga ekisangibwa mu disitulikiti ye Kibaale Omukyala ono agambye nti omusajja ono yamugwiridde olunaku lwajjo kyokka ng’abadde akikola gwa kubiri Atwala ekyaalo kino Silas Karumuna agambye nti omukadde ono abadde asirise kyokka nga waliwo omusiisi wa chapatti abitaegedde n’atandika okugabunya ku kyaalo Omukyala ono addusiddwa mu ddwaliro…

Abantu babiri beekoneddwa motoka nebafiirawo wali e Nakawa ku luguudo oludda e JJinja Taxi nnamba UAS 839H ebadde eva e Kireka eremeredde omugoba waayo n’esabaala abantu bataano era babiri nebafiirawo Omwogezi wa poliisi mu kampala n’emiriraano Patrick Onyango agamba nti emotoka eno egaanye okusiba. Omu ku bafudde y’ategerekese nga ye Patrick Kiwala