Akakiiko k’ebyokulonda kamalirizza okusindika ebinakozesebwa mu kuddamu okulonda omubaka omukyala owa district ye Luweero.
Ssentebe w’akakiiko kano Badru Kigundu agamba nti bino byonna byakukuumibwa poliisi nga tebinawerezebwa mu magombolola ewagenda okulonderwa.
Kigundu ategezezza nga bwebalongosezza enkalala zonna nga kati basubira abalonzi abasoba mu 180,000 mu kulonda okw’okuberawo olunaku olwokuna.
Mungeri yeemu bbo ab’oludda oluvuganya gavumenti bagumbye e Luweero…
Ssabaduumizi w’amaggye g’eggwanga Gen Katumba Wamala asambazze abyafulumidde mu alipoota y’ekibiina ky’amawanga amagatte yonna nti amaggye ga UPDF gaakozesa Bomu zisabyalo mu ggwanga lya South Sudan.
Gen Wamala agamba alipoota eno ekontana n’eya 2013 eyalaga nga bomu zino bwezaali edda munda mu ggwanga lya South Sudan.
Bwatuuse ku kya ssabayekera Riek Machar’s okulagira amaggye ga UPDF okwamuka…
Katikiro wa Buganda Charles peter Mayiga afulumizze enyingiza kko n’enfulumya y’ensimbi z’azze akungaanya mu kawefube wokuzzaawo amasiro gonna kko nekizimbe ekigya ekya Masengere.
Bw’abadde ayogerako eri olukiiko olutudde leero, Katikiro agambye nti obuwumbi busatu mu obukadde 127 bwebwakagenda mu nsawo ya Buganda okuva mu makubo ag’enjawulo okuli n’etofaali ly’azze akungaanya,songa obuwumbi 3 abantu babweteema nga balindiridde…
Pulezidenti Museveni Yoweri olwaleero asiibye Luweero ng’ayiggira munna NRM Rebecca Nalwanga akalulu
Olukungaana lw’ayogereddeko lubadde wobulenzi ng’eno gy’asabidde abatuuze obutesembereza bakulembeze babalimba banywereere ku NRM
Agambye nti basaanye okulonda abakulembeze abanawagira enteekateeka za gavumenti okwewala okuva ku lusaniya
Pulezidenti agenda kubeera Bombo olunaku lw'enkya ate yye munna DP Brenda Nabukenya wakubeera wobulenzi
Olunaku lw'enkya kampeyini lwezifundikirwa ate ku Lw'okuna…
Abasuubuzi abaddukanyiza egyaabwe mu ggwanga lya South sudan balabuddwa obutasukka kibuga Juba
Kiddiridde gavumenti y’eggwanga lino n’abayekeera okuvvoola endagaano y’okussa wansi emmundu nebaddamu buto okulwana.
Akulira omukago gwa bannayuganda abakolera mu ggwanga lya South Sudan, Rashid Manafwa ategeezezza nti embeera ekyaali nzibu mu bibuga bingi era nga bannayuganda basaanye okwewala okukolera mu bibuga ebitali bimu.
Manafwa agamba nti…
Omuvubuka eyafumita abakyala basatu ebiso mu bitundu bye Katanga asibiddwa emyaka munaana.
Sadati Kiggundu yalumba Jacqueline Mbabazi, Aisha Nabukenya ne Evelyn Mirembe mu kiyungu gyebaali n’abafumita ebiso olwo n’ateekako kakokola tondeka nyuma.
Ng’awa ensala ye , omulamuzi Lilian Buchana agambye nti omuvubuka ono bamuwadde emyaka gino asobole okugololwa ettumba afuuke omuntu mulamu.
Okuwandiisa abantu abagala okufuna endagamuntu kugenda mu maaso, gavumenti egamba nti yakusasula omuntu omu kw’abo abawandiisa.
Kino kigyidde mu kaseera ng’abawandiisa abantu ku byaalo ebitali bimu beemulugunya ku butasasulwa nga bangi tebafunanga ku musaala.
Amyuka omwogezi w’akakiiko akalondesa, Benjamin Katana,agamba nti ku buli kyaalo basasula omuntu omu ng’ono afuna emitwalo 30
Katana agamba nti buli omu akimanyi era…
Ekitongole ekikola ku miwendo gy’ebintu kitandise okubala ennaku ezisigaddeyo okubala abantu mu ggwanga lyonna kutandike
Olwaleero ekitongole kino kitongozezza ennaku 100 okutuuka ku mulimu guno.
Mu nnaku zino, bagenda kwongera okubangula abantu ku nteekateeka eno abantu okugitegeera obulungi.
Akulira ekiwayi ekikola ku mulimu guno Francis Mashete agamba nti betegese bulungi era nga buli kimu kiri mulaala.
Okuwandiisa abantu kwakutandika…
Katikiro wa Buganda Owek.Charles Peter Mayiga alabudde abantu abeesomye okugula ettaka oly'ebifo by’obuwangwa bya Buganda.
Ono awadde ekyokulabirako eky’ettaka ly’eNaggalabi eriguliddwa abantu abenjawulo nga kw'otadde n’ery'amasiro ge wamala.
Katikkiro agamba nti ekikwasa ennaku kwekuba nti abantu abefuula nti balina omutima gwa Buganda ogutafa beebetabye mu kitunda ttaka lino.
Bino Katikkiro abyogeredde mu lukiiko lwa Buganda nga akuba toochi…
Poliisi yenyonyoddeko ku basirikale abanji beeyiye mu disitulikiti ye Luweero abaayo nga betegekera okuddamu okulonda omubaka waabwe omukyala ku lunaku olwokuna.
Omwogezi wa poliisi mu bitundu bino Lameck Kigozi agamba kino kigendereddwamu kutebenkeza bya kwerinda mu biseera by’okulonda n’oluvanyuma .
Abantu 4 bebesimbyewo ku kifo ky’omubaka omukyala mu district eno okuli Munna NRM Rebecca Nalwanga ne munna…