Kati munsi waliyo abasajja abatawena.
Mu ssaza lya Florida waliwo omusajja eyakula n’awola akwatiddwa nga atwalibwa mu kkomera wabula n’alema okuja mu kamotoka ka poliisi.
Howard Hendrix nga azitowa pawundi 500 era nga muwagguufu yewunyisizza poliisi nga emmotoka gyebaleese okumuteekamu tagyamu.
Okukakana batumizza mmotoka kika kya kigaati okutwala omusajja ono mu kkomera.
Wabula naye olulabye nga poliisi etidde sayizi…
Omukyala enzaalwa ya America abadde atamidde akwatiddwa bw’ayingidde ekkomera ng’aliyita baala.
Omukyala ono atatuuddwa mannya kyokka nga wa myaka 39 abadde agenze mu bbaala kukima lulenzi lwe nga luno lwamusuubizza nti bakusisinkana mu bbaala
Omukyala basoose kumuwulira ng’awunya omwenge kyokka bagenze okumussaako kawunyemu nga takyalina na maanyi gakafuuwa olwo nebasiba
Omuzannyi wa Katemba abadde ku siteegi ng’asanyula abantu bimukalidde ku matama poliisi bw’eyingiddewo n’ekwata omu ku b’abadde asanyusa
Adam Newman ow’omu kibuga Newyork asoose kukola mu ba poliisi bano katemba ng’alowooza banaleka omuwagizi we kyokka nga ssibwegubadde
Aba poliisi bano nno abatawena ate beebamuwogganide nga bamusaba alekere awo okwekola obusolosolo kubanga babadde bakola gyaabwe
Omukadde abadde anoonya erinnyo lye agudde wansi mu kinaabiro aseeredde n’agwa mu kabuyonjo
Abaziinya mooto bayitiddwa bukubirire okutaasa namukadde kano ow’emyaka 85 ng’omukono gwe gumaze essaawa kumpi nya nga gulaalidde mu kabuyonjo
Omukadde ono asangiddwa muzukkulu we akubye enduulu esombodde abantu
Ono bamuyiyeeko sabuuni w’amazzi omukono negusereera olwo nebagusikayo nga tafunye buvune
Omukadde ono we China kyokka nga tekitegerekese…
Mu ggwanga lya Japan waliwo akabumbe k’omukyala akassiddwa mu kibuga ng’omwenge gayiika okuva mu bbeere lyaako
Akabumbe kano era kaliko n’abakyakaze nga banyiga ebbeere ly’akabumbe , nga balembese ne giraasi okufuna ku mwenge
Buli ayita ku kabumbe kano asigala awunikiridde ng’abakakoze tekinnategerekeka lwaki bayiiyizza bwebati
Olwaleero mu nsi yonna lunaku lwabutayambala buleega eria bakyala
Olunaku luno lwassibwaawo okukwatagana n’omwezi gw’okulwanyisa kokoolo w’amabeere
Bannasayansi bagamba nti omuntu tasobola kwogera ku bbeere n’aleka akaleega era nga bakuutira abakyala okutwala akaleega ng’ekikulu.
Ekyewunyisa nti yadde olunaku luno lwa bakyala, lusinze kusanyula baami mu Uganda
Omukyala ayonsa asazeewo okunyiga amabeere ge n’agakolamu omuzigo ng’ennaku zino gw’alya
Omukyala ono amaze essaawa namba n’akama mata era nga gatuuse n’okuvaamu amata nga gakutte
Omukyala ono agambye nti akimanyi nti amabeere galimu ebiriisa byonna nga y’ensonga lwaki tayagadde kubisubwa
Omusajja gwebatwaala mu kkooti oluvanyuma lw’okukwata ebifananyi by aba poliisi alabiseeko mu kkooti ng’ayambadde T-shirt eriko ebigambo ebibavuma
Michael Burns owe Florida ategeezezza omulamuzi nti tamanti lwaki abapoliisi bamwetikka ate nga baali mu kifo kya lukale
Omusajja ono yadde T-shirt ye ebaddeko ebigambo ebivuma, omusango aguwangudde
Abantu bangi bagayaalirira amatu gaabwe.
Kati mu ggwanga lya Buyindi, omusajja amaze ebbanga ng’akutu kumuwuuma kimuweddeko , bw’agenze mu ddwaliro nebamusangamu ekiwuka ekyakuula
Ekiwuka kino ekyefananyirizaako ekiyenje kyasooka yo mutwe era nga bakozesezza byuuma okukisikayo.
Ekiwuka kino kigambibwa okuba nga kirabika kibadde kitandise okumanyiira nga kirwaanye okwenyweeza obutasikibwaayo
Omuwala abadde ayagala eddaame lya kitaawe eyafa asazeewo kuyiikuula malaalo
Wabula ono by’asazeeyo bikimumazeeko ng’asaze mu ngalo za kitaawe mulimu paketi ya sigala
Omuwala ono nno abadde aludde nga yekwasa banne nti kirabika bamutwalako ebintu n’okukyuusa mu ddaame