Eggwanga lya Mali lirangiriddwa ng’eriweddemu obulwadde bwa Ebola
Kiddiridde abasawo okulondoola embeera mu ggwanga lyonna okumala ennaku 42 nga tewali mupya afunye kirwadde kino.
Omulwadde wa Ebola eyasemba mu ggwanga lino yalabwaako mu December w’omwaka oguwedde
Obulwadde bwebumu era bukendedde mu mawanga amalala nga Sierra Leone ne Guinea.
Ali Mivule amivule
Abasawo mu ggwanga bagaala kwongezebwa musaala wakiri asookerwaako abe ng’afuna akakadde kamu n’ekitundu
Nga bayita mu kibiina kyaabwe kyaabwe ekya Uganda medical workers union,abasawo bagamba nti omusaala gwebafuna mutono nnyo era emirundi egisinga gubalamu amaanyi nebatafa ku balwadde.
Mu kadde kano omusawo asinga afuna emitwalo 60 ate asembayo afuna emitwalo 25
SSabawandiisi w’omukago gw’abasawo bano Aggrey Sanya agamba…
Ssentebe w’akakiiko akagatta eddiini ez’enjawulo mu kitundu kya Kigezi Fr Geatano Batanyenda atadde omukulembeze w’eggwanga ku ninga Yoweri Museveni yetondere bannayuganda olw’okuyita ab’oludda oluvuganya gavumenti emisege , n’okuyita eggye ly’eggwanga eggye lye.
Fr Geatano agamba bino byonna binyomoola ssemateeka w’eggwanga n’enkola ey’ebibiina ebinji.
Agamba ab’oludda oluvuganya gavumenti balina kuyitibwa bawabuzi kbanga bayamba gavumenti okugolola ensobi z’eba ekoze…
Waliwo ekibinja ky’abavubuka b’ekibiina kya JEMA abalumbye ekitebe ky’ekibiina kino e Kamwokya nebeddiza obuyinza ku nzirukanya y’emirimu gy’ekibiina.
Bano balumiriza abakulembeze baabwe abakulirwa ssenkagale w’ekibiina Asuman Basalirwa nti emirimu gibalemye nga balemereddwa n’okutegeka ttabamiruka w’ekibiina.
Wowulirira bino nga abavubuka bano bebaddukanya emirimu mu kaseera kano nga bwebategeka ttabamiruka w’ekibiina.
Twogeddeko ne ssentebe w’akakiiko ak’ekiseera akatekeddwawo okuddukanya ekibiina kino.
Yye…
Abakyala babiri abagambibwa okuyambako abatujju ba Alshabaab okulumba Uganda omwaka oguwedde bayimbuddwa
Ssabawaabi wa gavumenti Michael Chibita y'abajjeeko emisango ng'agamba nti tekyagulabamu kantu
Mu ssabawaabi abitadde mu bbaluwa eriko ennaku z'omwezi 15th January 2015 ereeteddwa mu kkooti enkya ya leero.
Yasimin Abdullahi Adenne Hodan Ahmed Dahir bonna batuuze mu kisenyi
Kati abavunanaibwa basigadde munaana nga baggulwaako misango gyakuyamba ku…
Ebikumi n’ebikumi by’abatuuze ababeera kumpi n’omwala gwe Nalukolongo basabiddwa okwamuka ekifo kino okusobola okukolebwaako.
Meeya we Lubaga Joyce Ssebugwawo agamba baagala kulaba nga bagaziya omwala guno okulwanyisa amataba agamazeeko abaguliranye emirembe buli lwettonya.
Ssebugwawo agamba omwala guno buli lwegubimba ne mukoko gutawanya n’abatuuze mu bitundu ebiriranyewo okuli Ndeeba ne Nateete mu biseera by’enkuba kale nga basana okugukolako.
Palamenti…
Paapa Francis akomekerezza obugenyi bwe obw’ennaku 5 ku ssemazinga wa Asia mu ggwanga lya Philippines.
Enkumi n’enkumi z’abakulisitu bakwatiridde ku nguudo nga basiibula papa ayolekedde Roma.
Olunaku olw’eggulo abantu obukadde 6 baagumidde obutiti okuwuliriza ekitambiro ky’emmisa ya paapa.
Paapa era y’atuuseko mu ggwanga lya Sri-Lanka gyeyayogeredde ku bumu.
Pulezidenti Museveni asabye abazadde okutwaala abaana baabwe bagemebwe mu kugema poliyo okutandise leero okwetoolola eggwanga lyonna.
Bw’abadde ayogerako eri abantu be Mulo ekisangibwa e Rubanda, pulezidenti agambye nti abazadde basaanye okukulemberamu omulimu gw’okukuuma ebaana baabwe nga balamu
Pulezidenti asoose kugema baana nga tannayogerako eri bantu.
Abaana abali mu bukadde musanvu n’ekitundu beebatunuuliddwa okugemebwa mu nnaku esati era ng’obuwumbi…
Tiimu kkumi na mukaaga olwaleero zitandika ensitaano y’okuwangula akakadde ka doola ka doola akamu n’ekitundu eri anawangula ekikopo ky’amawanga ga Africa
Abanakoma ku quarter final bakufuna doola emitwalo 60
Omupiira ogusookawo guli wakati w’abakyaaizza empaka zino aba Equatorial Guinea ne Congo ku ssaawa emu
Omulala gutandika ku bbiri ez’ekiro nga guli wakati wa Burkina Faso ne Gabon.
Abantu 4 bafiridde mu kwekalakasa mu ggwanga lya Niger ngabawakanya olupapula lw’amawulire mu ggwanga lya Bufalansa olwa Charlie Hebdo okukuba ebifananyi bwa Nabbi Muhamed mu bifanyanyi ba Cartoon.
Amakanisa agawerako wamu n’ebifo ebyobuwangwa bitekeddwa omuliro abantu ababadde bekalakasa.
Okwekalakasa kuno kuzze ngawakayitta weeki emu ngabamukwata mundu balumbye olupapula lw’amawulire luno nebatta banamawulire 12.