Ab’ekitongole kya Kampala Capital City Authority olwaleero mu butongole beddizza entambula ya Taxi mu kibuga
Abasirikale b’ekitongole kino balabiddwaako ku miryango gya paaka enya okuli enkadde n’empya, eya USAFI ne mu Kisenyi.
Bano babadde bambadde yunifoomu za KCCA era nga babadde ne ku siteegi ezitali zimu.
Amyuka omwogezi wa KCCA Robert Kalumba agamba nti basanyukidde ekya ba Taxi…
Ali Mivule amivule
Abantu abalimu obubbi tebalemererwa.
Mu ggwanga lya Costa Rica , waliwo omukyala akwatiddwa ku katambi ng’avubiika TV mu sikaati.
Omukyala ono abadde agenze mu dduka ly’ebyamasanyalaze asoose kwebuzabuuza ng’agula era ageze tebamulaba n’asitula TV n’agikuba mu sikaati.
Omukyala ono amaze okukwatibwa kyokka ng’agaanye okunyonyola abapoliisi engeri gyeyakozeemu ekintu kino.
Omutendesi wa Ghana Asamoah Gyan yandisubwa omupiira gwaabwe ogusoose olw’omusujja ogumuluma
Ekibiina kya Ghana eky’omupiira gw’ebigere kitegeezezza nti omukulu ono yatwalibwa mu ddwlairo ku lw’omukaaga kyokka n’asiibulwa ku ssande nga kati balinze kulaba oba anabeera n’amaanyi.
Yye omutendesi wa Ghana Alain Giresse kati alina okusalawo oba Sadio Mane asamba oluvanyuma lw’okufuna obuvune.
Ghana egenda kukwata Senegal ku ssaawa…
Abantu 20 ku abo ekinaana abawambibwa bamukwatammundu ba Bokoharam mu Cameroun bayimbuddwa
Minisita wa Cameroun akola ku nsonga z’eby’okwerinda ategeezezza nti abawambibwa bayimbuddwa amaggye bwegatandise okulumba enkambi yaabwe nga kati batandise okudduka okuddayo mu Nigeria.
Abasinga ku bawambibwa baana bato.
Bano beebantu abakasinga okubeera abangi okuwambibwa aba BokoHaram wabweru wa Nigeria.
Bannamateeka abasoba mu 30 beebakasaba gavumenti okuwolereza eyali omuduumizi wa LRA Dominic Ongwen mu kkooti y’ensi yonna.
Minisita omubeezi akola ku nsonga z’ebweru w’eggwanga Henry Oryem ategeezezza bannamawulire nti bannamateeka ba bawandiikidde ssabwolereza wa gavumenti
Oryemu agamba nti Ongwen wakukkirizibwa okubeera nebannamateeka okusobola okwewozaako.
Ono mukakafu nti bakukolagana bulungi ne kkkooti y’ensi yonna okusindika abajulizi mu kkooti eno…
Munnamawulire eyakubwa omu poliisi bweyali ali ku gigye yandisibuulwa olunaku lw’enkya.
Andrew Lwanga tumulambuddeko olwaleero n’atutegeeza nti kati ajja atereera yadde ng’amagulu ggo gakyesibye olw’okusanyalala.
Lwanga agamba nti asuubira olunaku lw’enkya okuweebwa olukalala okuli ensimbi ezimubanjibwa luweebwe poliisi esasule nga bweyasuubiza
Lwanga yakubwa wamu n’owa Bukedde Joseph Ssettimba bwebaali bakola amawulire g’abavubuka abaali beekalakaasa .
Poliisi mu disitulikiti ye Mukono ekutte abantu 112 abaali besenze ku kibira kye Namanve mu bukyaamu
Abantu bano ng’abasinga bazirwanako , bamulekwa ne bannamwandu b’abazirwanako babadde batandise okulimira ku kibira nga bagamba nti nabo balina okuganyulwa mu kununula eggwanga.
Omwogezi wa poliisi mu ggwanga Fred Enanga agamba nti ekibinja kino kibadde n’ebiso, enkumbi n’ebirala ebikozesa mu kulima
Ono…
Ebadde ntiisa eri abatuuze be Kyabi e Lugusulu Sembabule, omusajja ow’emyaka 33 bw’asangiddwa ku muti ng’alebeeta.
Omulambo gwa Hassan Majwiga gusangiddwa mu nimiro y’omu ku batuuze John Bbaale .
Muganda w’omugenzi Boniface Bwowe agambye nti omugenzi yababulako olw’okusatu oluwedde era babadde bamunoonya okuva olwo.
Bwowe agamba nti kibaweddeko bwebafunye amawulire nti ono abadde yetugira mu nsiko
Omwogezi wa poliisi…
Okugema kw’ekikungo okw’obulwadde bwa poliyo kukomekerezeddwa olunaku lwaleero.
Okugema kuno okukoleddwa nju ku nju kwatandika wiiki ewedde ku lw'omukaaga era ekitongole ky’ebyobulamu mu nsi yonna kyekitaddemu obuwumbi obusoba mu 14
Abaana abali wansi w’emyaka 5 bebagemeddwa mu nteekateeka eno.
Omwogezi wa minisitule y’eby’obulamu Rukia Nakamatte agamba ebibinja b’ebyobulamu byakusindikibwa mu maka g’abazadde abaana baabwe abatanagemebwa era bakakafu nti…
Abavubuka abateebaka tulo tumala emirundi egisinga batera okukozesa ebiragalaragala n’okwegadanga mu ngeri etali ya buvunanyizibwa.
Bino bizuuliddwa bannasayansi okuva mu America.
Bano bagamba nti abavubuka balina okufuna otulo otumala era abatakikola batera okukola ebintu ebitategerekeka.
Wano webasabidde abazadde okulondoola enneyisa y’abaana baabwe okulaba nti beebaka bulungi.