Omujaasi wa UPDF avudde mu mbeera n'ansindirira abantu mwenda amasasi agabajje mu budde.
Abantu abalala 9 baddusiddwa mu ddwaliro e Fort portal ng’embeera mbi oluvanyuma lw'okufuna ebisango mu njega eno.
Enjega eno egudde mu kitundu kye Karugutu mu district ye Ntoroko mu kiro ekikeseza olunaku lwaalero.
Abakubiddwa amasasi kuliko abajaasi 5 n’abantu babulijjo 4.
Omwogezi w’amaggye ga UPDF ow’ekibiinja…
Ali Mivule amivule
Kizuuliddwa nti abawala bangi naddala mu byaalo bafuna obuzibu olunaku lwebazza omukono emabega nga baba tebamanyi kyakukola
Kino kiva ku nsonga nti ku masomero gyebamala obudde obusinga obungi tebafuna kufiibwaako kumala
Eno y’ensonga lwaki ekibiina kya AMREF kitandise okussaawa ebifo ebyenjawulo abaana abawala mwebanatendekebwa ku bintu ebitali bimu omuli n’eky’okukola nga balwadde
Bano basookedde Kawempe
Akulira ekibiina kino e…
Eddwaliro ekkulu e Mulago lyetaaga abakozi abalala bweriba nga lyakulongoosa mu mpereeza y’emirimu
Akulira eddwaliro lino Dr. Byarugaba Baterana agamba nti tebalina basawo bakugu bamala ng’abaliwo kati bakola nnyo era emirundi egisinga baba bakoowu
Byarugaba agamba nti eno y’ensonga lwaki n’abalwadde tebabawa budde bumala naye nga ssi bwebandikyagadde
Team ya Uganda Revenue Authority olunaku lwa leero etongozza enteekateeka ey’okuzimba ekisaawe ky’omupiira,ekigenda okutuuza abantu 25,000 e Bugema.
Bwabadde ayanjula enteeka teeka eno,akulira club eno Ali Sekatawa ategezezza nga ettaka lino bweriweza acres 10.
Ssekatawa agambye nti kuttaka lino bagenda kuzimbako ebisaawe ebyokutendekebwako era nga bakolaganira wamu ne district ye Luwero kwosa nabakulembeze bekitundu kyebugema.
Entiisa ebuutikidde abatuuze b’okukyalo Kawuga mu kibuga Mukono omwana bw'agudde mu baafu y'amazzi n'afa.
Omugenzi ategerekese nga Liz Mukisa owemyezi 9 gyokka.
Maama w’omugenzi amanyiddwa nga Namutebi agambye nti omwana we amulese amutuuzizza wansi n'agenda ayanike engoye wabula omwana ono ayavudde okutuuka ku baafu.
Atwala eby'okwerinda mu kitundu kono Godfrey Mbalire anenyezza nyo abazadde naddala abakyala olw'okulagajjalira abaana…
Polisi esambaze ebyogerwa nti yabaddemu kyekubiira mu kusunsulamu abantu abawereddwa emirimu mu polisi.
Omwogezi wa polisi Fred Enanga agambye nti okusunsulamu kwakoleddwa ku mutindo gwansi yona.
Enanga agambye nti empapula ez’okuwandiika abagala okwewandiisa mu polisi zatwalibwa mu buli district n’ebitundu, era buli Muntu yali wadembe okuyingira.
Enanga ayongerako nti bali basing kwetaga bakugu omuli abasawo, ba ingineer ban’amateeka…
Kyadaaki abasomesa ku tendekero ekkulu e Makerere bakiriza okudda mu bibiina okusomesa abayizi.
Bano bamazze kutuula mu lukungaana abakulira entendekero, nabakiriza okuddamu okusomesa abayizi ku balaza ya weeki ejja.
Abasomesa ababadde bamaze omwezi mulamba ngatebasomesa ekiviriddeko abayizi okwekalakasa ku makya galero.
Amyuka ssenkulue w’entendekero lye Makerere PROF, Dumba Ssentamu agambye nti obutakanya bubadde buva mu office ya bursar…
Ssabawolereza wa gavumenti amateeka gongedde okumutabukira nga abalamuzi abataano abakulembeddwamu omulamuzi Esther Kisakye bagaanye okusaba kwe okwemulugunya kwa loodi meeya kugobwe.
Bano bategezezza nga ono bwalameddwa okubawa ensonga ematiza ddala lwaki bagoba okusaba kwa loodi meeya Lukwago era nebatekawo ennaku z’omwezi nga 24 April kwebagenda okusalawo ku kujulira kwa Lukwago nga awakanya okugobwa mu ofiisi nga…
Ssabawolereza wa gavumenti Peter Nyombi asabye nti okusaba kwa loodimeeya Erias Lukwago kugobwe kubanga yakukola mu bukyaamu.
Nyombi agamba nti okusaba kuno okuli mu kkooti y'okuntikko si kutangaavu era nga tekulina kakwate ku byava mu kkooti ejulirwaamu.
Ono agamba nti okusalawo okukoleddwa omulamuzi omu tekujulirwaako mu kkooti y'okuntikko ga Lukwago yandibadde awaaba mu kkooti ejulirwaamu yenyini ,…
Abayizi abasoma eby’obulambuzi ku kasozi k’abayivu e Makerere batanudde okwekalakaasa nga bawakanya eky'okumala akabanga nga tebasoma nga ate baasasula fiizi zaabwe.
Bano balumbye awatuula abakulira ettendekero lino babanyonyole lwaki tebabasomesa.
Abayizi bano obwedda abeenaniise obukooti obumyuufu n'okukwata ebipande ebiriko ebigambo ebikambwe.
Akulira abayizi bano Ivan Bwowe abasisinkanye n'abakkanya kyokka nga bataamye dda.
Ono abategeezezza ng'abakulira essomero ly'obulambuzi bwebayitiddwa okunyonyola…