Abantu abawakanira ebintu ebitali bimu tebaggwa
Ono wa nzaalwa ya Romania ng’asibye ensimbi nti asobola okumira fooko ekozesebwa okulya emmere.
Radu ow’emyaka 25, addusiddwa mu ddwaliro nga biwala ttaka oluvanyuma lwa fooko okumwekiika n’atandika okwenyoola.
Abasawo abalese banyeenya mitwe oluvanyuma lw’okumwekebejja nebalaba fooko ng’eremedde mu bulago.
Ali Mivule amivule
Team yabato eyomuzannyo gwokubaka yakugenda e Botswana mumpaka ezokusunsulamu abanetaba muza Commoen wealth games omwaka guno.
Kino kidiridde akafubo akabaddemu minister webyemizanyo Hon Charles Bakabulindi wamu nabakungu ba Uganda Olympics committee olunaku lweggulo.
Team eno yali yawandukululwa kulukalala lwemizanyo egitwalibwa e Botswana mumwezi gwokutaano olwebbula lyensimbi ,wabula ensisinkano yabakungu bano,bakaanyiza okwatala aba Netball okwetaba mumpaka zino.
Eggwanga lya Kenya lyongedde okutabukira abatujju
Abasomaali bonna abali mu bibuga balagiddwa okugenda mu nkambi ezissiddwaawo mu kawefube w’okwewala ennumba z’ekika kyonna
Minista wa Kenya akola ku nsonga z’omunda mu gwanga Ole Lenku agambye nti obulumbaganyi ku Kenya bususse ate ng’ababukola bava Somalia
Bbo abamu ku balwanirira eddembe ly’ababundabunda bavumiridde ekikolwa kino
Ekizimbe ekibadde kimenyebwa e Nakasero okumpi n’omuzikiti kigwiiridde omusajja n’amenyeka mu kifuba
Abu Lubega y’addusiddwa mu dwaliro ekkulu e mulago nga afa obulumi.
Agamba nti abadde ne banne nga bamenya kwekulaba nga amabulooka gayiika era mu kugezaako okwetegula , amataffaali negamukuba mu kifuba
Poliisi ekutte omukyala asosonsese omwana wa muggya we omukono mu bukyala ng’amutebereza okwagala abasajja
Rose Dembe akwatiddwa lweggulo lwaleero bw’abadde agezaako okudduka okuva mu maka ge e Kyamwokya
Akulira poliisi ekola ku nsonga z’abaana John Mugerwa agambye nti omukyala ono bamuggalidde era nga n’oluvanyuma wakukola statementi
Omukyala ayogerwaako yakkidde omwana wa kibiina kya Musanvu n’amusosonseka omukono mu bukyala…
Gavumenti ekyatubidde n’emirambo gy’aba Congo ababbidde bwebabadde badda ewaabwe
Minisita akola ku bigwabitalaze, Eng Hillary Onek y’ategeezezza bino bw’abadde asoma ekiwandiiko kya gavumenti mu palamenti.
Minisita agambye nti yadde basobodde okunyulula emirambo gya bantu 107, emirambo egimu gikyalemedde ku nsalo ya Uganda ne Congo nga gavumenti yaayo yagaanye okugitwaala
Onek agamba nti gavumenti ekyanoonya engeri bano gyebagenda okuziikibwaaki
Aba…
E Rakai abantu 4 abagambibwa okuba abali b'abantu abalamu abakakanye ku mukazi n’omwana we nebabalya bonna bakwatiddwa.
Bano bazindukiriza Gabriel Bandigi , mukyala we o’wolubuto ,n’omwana waabwe omuto kyokka nga yye omusajja basobodde okudduka n'ebisago by'ejjambiya
Adumira poliisi ye Rakai Nelson Sooma agamba poliisi ekyanonyereza ku nsonga eno nga tebayinza kukakasa kati nti ddala bano basezi .
Poliisi y'oku luguudo lwa Kiira eri ku muyiggo gw’omukazi eyakubye omwana wa mujja we omukono mu bitundu by'ekyama alabe oba abadde yeebaka n’abalenzi katono amusikeyo nabaana..
Omuyizi ono ow'ekibiina ky'omusanvu y'addusiddwa mu ddwaliro nga ng'atonya musaayi.
Okusinziira ku atwala poliisi ya Kiira Road John Mugerwa omusango guno gwaddiziddwa wali e Kamwokya mu church zone.
Yye ekulira essomero omwana…
Ab'ekitongole kya Kampala capital city authority batabukidde bannaggaga abeyongera okwesenza ku ttaka ly’entobazi.
Bano baweze okusengula abo bonna abesenza mu ntobazi e Kinnawataka, Banda Kisaasi n’ebitundu ebiriraanyeewo .
Omwogezi wa KCCA Peter Kawuju agamba nti bano era tebabasuubira kukakasa pulaani zaabwe kubanga ekiragiro kyayita dda ng'ekiddako ku bagoba
Kati abantu abamu tobanyumiza kutya nga baagala okukola ssente.
Mu ggwanga lya Buyindi omusajja aguze ettaka okuli amalaalo nasalawo okugalekamu olwo nazimba ekiriiro ky’emmere nga gali munda.
eKiriilo kino kiri mu kibuga Ahmadabad era eno kusinga wagendayo baba bafa njala.
Kati kirabika abeeno ebyokutya abafu byebavako.