Poliisi ye Mukono eriko omusajja gwetasizza okuva ku basuubuzi ababadde baswakidde oluvanyuma lw’okumukwata lubona nga abbye omugugu gwa munaabwe.
Ono ategerekese nga Wasswa Tadeo abadde tamanyiddwa bimukwatako alagidde omwetissi amutwalire omugugu wabula ogutabadde gugwe, nanyini gwo Nakacwa Josephin agenze okujja nebamugamba nti gutwaliddwa kwekusuula enkessi mu katale komubuulo wonna.
Oluvanyuma alabiddwako nga agusengula agwongerayo ekijje abasubuzi nebava…
Entiisa ebutikidde abatuuze be Lugusuulu mu disitulikiti ye Sembabule oluvanyuma lw’okugwa ku mulambo gwamunaabwe eyafudde waragi.
Jackson Nkiranuye 40 okuva ku kyalo Kabulasoke asangiddwa nga afiiridde ku faamu ya mukamawe Perez Kwizuka oluvanyuma lw’okwekatankira entabaaza bakadde awatali kulya.
Kwizuka ategezezza nga omukozi we ono bweyamusabye ssente okugenda okugula ebijanjaalo eby’okulya ewaka wabula ssente zonna y’azimalidde mu bbaala.
Omulambo…
Pulezidenti Museveni akunze abakyala ba NRM okusomesa abantu ku ngeri y’okulwanyisaamu obwavu
Bino puelzidenti abyogedde ayogerako eri abakyal a mu kibiina kya NRM abasisinkanye mu Lukiiko lwaabwe ku Imperial Royale Hotel
Olukiiko luno olumaze olunaku olumu lwategekeddwa amyuka akulira abakyala mu bugwanjuba Susan Muhwezi
Abakyala bano era batenderezza pulezidenti Museveni olw’obuterabira bakyala ng’abalonda ku bwaminista n’ebifo by’obuvunaanyizibwa Basonze…
Ettendekero ekkulu erye Makerere lukulekera awo okugaba dipulooma mu masomo mukaaga
Omukulu mu ttendekero lino Vincent Ssembatya, agambye nti basazeewo okuyimiriza dipulooma okukendeeza ku nsimbi ezissibwa mu kuddukanya ettendekro okusobola okusobola okussa essira ku masomo ga diguli
Ono agambye nti babadde bassa ensimbi nyingi mu masomo ga dipulooma ekitetaagisa ate ng’abaana batono abagendayo
Sembatya wabula atangaazizza nti abayizi…
Enyonyi ebadde ekubyeeko abantu 144 eremedde omugoba waayo n’egwa.
Enyonyi eno eya bagirimaani egudde mu nsozi z’omuzira ezisangibwa mu Bufaransa
Enyonyi eno ebadde edda Barcelona ng’eriko abagiddukanya mukaaga
Omukulembeze w’eggwanga lya Bufaransa Francois Hollande agambye nti tebannategeera kivuddeko kabenje kano kyokka nga wekabadde balina okutya nti wayinza okubulawo alama
Poliisi ekyagenda mu maaso n’okunonyereza ebisingawo ku kuttibwa kw’omugagga Eria ssebunya eyali amanyiddwa nga Kasiwukira.
Bino byogeddwa munnamateeka wa gavumenti Ruth Kabahuma mu musango namwandu w’omugenzi Sarah Nabikolo mw’avunaanibwa okutta bba.
Nabikolo avunaanibwa wamu n’omupoliisi Ashraf Dedeni ne mulamu we Sandra Nankungu bwebalabiseeko mu maaso g’omulamuzi George Watyekere .
Wabula omulamuzi ayongezezzaayo omusango ogutuuka nga 21st omwezi ogujja…
Bannamawulire 3 bakwatiddwa amaggye ga Special Forces command lwakwogera ne mukyala Mbabazi nga ono ye Jackeline Mbabazi nga tebafunye lukusa.
Bano kuliko ab’olupapula lwa Daily Monitor okuli Fred Musisi, ne Dominique Bukenya n’owa NTV Sheila Nduhukire.
Bino bibadde wali ku imperial Royale hotel ewategekeddwa olukungaana lw’abakyala ba NRM olukyagenda mu maaso.
Mukyala Mbabazi abadde y’aganiddwa okuyingira olukungaana luno…
Katemba yeyolekedde ku kitebe kya DP oluvanyuma lw’omu ku bakulembeze b’ekibiina kino okulumba abakulembeze ku kyayise okuddukanya ekibiina mu ngeri ya gadibe ngalye.
Eyali ssentebe wa LC3 wano e Kampala Charles Musoke Sserunjogi nga era ye muwandiisi w’ekibiina alumbye ekitebe ky’ekibiina nga awakanya ebyavudde mu lukiiko lw’abakulira ekibiina kino abokuntikko olwalbadde e Masaka nti lwabadde lumenya…
Ab’ekitongole kya KCCA bagadde edduuka ly’emigaati erya Hotloaf wali ku Duster Street.
Edduuka lino liggaddwa lwakutunda migaati ne keeki enfu
Abasirikale ba KCCA bazinzeeko ekifo kino nebatandika okukungaanya byonna byebakola nga bwebasuula mu biveera
Wabula bbo abantu ababaddewo basabye abasirikale emigaati gino okugiwa abaana b'okunguudo kyokka nga bagaanye.
KCCA ebadde eggala ebifo ebirimu obujama n'ebintu ebitatuukagana na mutindo
Emisango gy’okutyoboola eddembe ly’obuntu gikendedde mu ggwanga.
Kino kyeyolekedde mu alipooota efulumiziddwa akakiiko akalwanirira eddembe ly’obuntu mu ggwanga nga era eraze nga emisango gino bwegyakendeera omwaka oguwedde nga gyali 3,904 bwogerageranya ku 4753 egyaliyo mu 2013.
Emisango egisingamu okulinyirira eddembe ly’obuntu kuliko okutulugunya,okulagajjalira abaana, ssaako n’abantu okugalirwa mu buduukulu bwa poliisi okusukka essaawa 48 eziragirwa mu mateeka.
Alipoota…