Poliisi eriko emirambo ebiri gy’enyuludde mu mazzi mu bitundu bibiri ebyenjawulo.
Omulambo ogumu gunyuluddwa mu kidiba ky’amazzi e Luweero nga gwa musajja mukadde wa myaka 70 ng’ategerekese nga Musisi Kalema
Ogw’okubiri gujjiddwa mijeera Nakasongola ng’ono yye yabadde agenze kuwuga era nga ye Lawrence Ola
Omwogezi wa poliisi mu bitundu bya Savannah Lameck Kigozi agamba nti batandise okunonyereza okuzuula…
Abakulembeze b’abayisiraamu omukaaga abakwatiddwa olw’okutta banaabwe bagguddwaako gya butujju
Ku bano kwekuli Sheikh Siraje Kawooya, Abdul Salam Sekayanja Abdul Sematimba, Rashid Jjingo ,Twaha Ssekitto ne Yusuf kakande.
Bavunaaniddwa mu maaso gw’omulamuzi w’eddaala erisooka e Nakawa Timoth Lumunye atabakkirizza kunyega kintu kyonna kubanga emisango gyebaliko gyannaggomola
Oludda oluwaabi lugamba nti wakati wa December 2014 ne January 2015, bano nga…
Ab’ekitongole kya Kampala Capital City Authority olwaleero mu butongole beddizza entambula ya Taxi mu kibuga
Abasirikale b’ekitongole kino balabiddwaako ku miryango gya paaka enya okuli enkadde n’empya, eya USAFI ne mu Kisenyi.
Bano babadde bambadde yunifoomu za KCCA era nga babadde ne ku siteegi ezitali zimu.
Amyuka omwogezi wa KCCA Robert Kalumba agamba nti basanyukidde ekya ba Taxi…
Abantu 20 ku abo ekinaana abawambibwa bamukwatammundu ba Bokoharam mu Cameroun bayimbuddwa
Minisita wa Cameroun akola ku nsonga z’eby’okwerinda ategeezezza nti abawambibwa bayimbuddwa amaggye bwegatandise okulumba enkambi yaabwe nga kati batandise okudduka okuddayo mu Nigeria.
Abasinga ku bawambibwa baana bato.
Bano beebantu abakasinga okubeera abangi okuwambibwa aba BokoHaram wabweru wa Nigeria.
Bannamateeka abasoba mu 30 beebakasaba gavumenti okuwolereza eyali omuduumizi wa LRA Dominic Ongwen mu kkooti y’ensi yonna.
Minisita omubeezi akola ku nsonga z’ebweru w’eggwanga Henry Oryem ategeezezza bannamawulire nti bannamateeka ba bawandiikidde ssabwolereza wa gavumenti
Oryemu agamba nti Ongwen wakukkirizibwa okubeera nebannamateeka okusobola okwewozaako.
Ono mukakafu nti bakukolagana bulungi ne kkkooti y’ensi yonna okusindika abajulizi mu kkooti eno…
Munnamawulire eyakubwa omu poliisi bweyali ali ku gigye yandisibuulwa olunaku lw’enkya.
Andrew Lwanga tumulambuddeko olwaleero n’atutegeeza nti kati ajja atereera yadde ng’amagulu ggo gakyesibye olw’okusanyalala.
Lwanga agamba nti asuubira olunaku lw’enkya okuweebwa olukalala okuli ensimbi ezimubanjibwa luweebwe poliisi esasule nga bweyasuubiza
Lwanga yakubwa wamu n’owa Bukedde Joseph Ssettimba bwebaali bakola amawulire g’abavubuka abaali beekalakaasa .
Poliisi mu disitulikiti ye Mukono ekutte abantu 112 abaali besenze ku kibira kye Namanve mu bukyaamu
Abantu bano ng’abasinga bazirwanako , bamulekwa ne bannamwandu b’abazirwanako babadde batandise okulimira ku kibira nga bagamba nti nabo balina okuganyulwa mu kununula eggwanga.
Omwogezi wa poliisi mu ggwanga Fred Enanga agamba nti ekibinja kino kibadde n’ebiso, enkumbi n’ebirala ebikozesa mu kulima
Ono…
Ebadde ntiisa eri abatuuze be Kyabi e Lugusulu Sembabule, omusajja ow’emyaka 33 bw’asangiddwa ku muti ng’alebeeta.
Omulambo gwa Hassan Majwiga gusangiddwa mu nimiro y’omu ku batuuze John Bbaale .
Muganda w’omugenzi Boniface Bwowe agambye nti omugenzi yababulako olw’okusatu oluwedde era babadde bamunoonya okuva olwo.
Bwowe agamba nti kibaweddeko bwebafunye amawulire nti ono abadde yetugira mu nsiko
Omwogezi wa poliisi…
Ssentebe w’akakiiko akagatta eddiini ez’enjawulo mu kitundu kya Kigezi Fr Geatano Batanyenda atadde omukulembeze w’eggwanga ku ninga Yoweri Museveni yetondere bannayuganda olw’okuyita ab’oludda oluvuganya gavumenti emisege , n’okuyita eggye ly’eggwanga eggye lye.
Fr Geatano agamba bino byonna binyomoola ssemateeka w’eggwanga n’enkola ey’ebibiina ebinji.
Agamba ab’oludda oluvuganya gavumenti balina kuyitibwa bawabuzi kbanga bayamba gavumenti okugolola ensobi z’eba ekoze…
Waliwo ekibinja ky’abavubuka b’ekibiina kya JEMA abalumbye ekitebe ky’ekibiina kino e Kamwokya nebeddiza obuyinza ku nzirukanya y’emirimu gy’ekibiina.
Bano balumiriza abakulembeze baabwe abakulirwa ssenkagale w’ekibiina Asuman Basalirwa nti emirimu gibalemye nga balemereddwa n’okutegeka ttabamiruka w’ekibiina.
Wowulirira bino nga abavubuka bano bebaddukanya emirimu mu kaseera kano nga bwebategeka ttabamiruka w’ekibiina.
Twogeddeko ne ssentebe w’akakiiko ak’ekiseera akatekeddwawo okuddukanya ekibiina kino.
Yye…