Amawulire

Bya Juliet Nalwooga Ababaka ba palamenti okuva ku ludda oluvuganya gavumenti, bali mu ntekateeka okugumba e Masaka wakati mu bunkenke obweyongedde, olwettemu erikudde ejjembe. Eno abanti abasoba mu 20 bekattibwa mu bbanga eryomwezi gumu, mu kitundu ekyobwagagavu bwe Masak. Omubaka omukyala owa disitulikiti ye Mityana, Joyce Bagala nga ye minisita webyamwulire mu gavumenti yekisikirize agambye nti bagenda kwegatta…

Bya Juliet Nalwooga, poliisi mu Kampala etandise okunonyereza kungeri abaana 14 mu gombolola ye Kawempe gyebaweeredwamu obutwa. Bino byabadewo akawungeezi akayise era nga kigambibwa nti omukyala ategerekeseko erya Babirye yawadde abaana bano omukyere ne bijanjalo wabula oluvanyuma lwe ddaakiika nga 10 ne batandika okutanaka Amyuka omwogezi wa poliisi mu bitundu bya kampala ne miriraano…

Bya Gertrude Mutyaba, Ba Kijambiya abeefunyiridde okutta a abantu mu bitundu ebikola obwagagavu bwé Masaka, mu kiro ekikeesezza leero baliko namukadde Joyce Nantale ne muzzukulu we Barbra nga wa myaka 6 bebasse ku kyalo Bwasa mu muluka gwa Kasaana, Kkingo mugombolola e Lwengo. Bano baatemeddwatemeddwa kyokka abaduukirize bazze nebabasanga nga bakyassa nebakubira poliisi nejja nebaddusa mu ddwaliro…

Bya Magembe Ssabiiti,  Minisita w’eby’ettaka, amayumba n’enkulaakulana y’ebibuga Judith Nabakooba alabudde ebitongole ebikuuma ddembe naddala poliisi okukomya ebikolwa ebyokukwatanga abantu nebabaggalira makomera ku nsonga zettaka awatali kusooka kunonyereza. Minisita Nabakooba okwogera bino abadde mu ggombolola y’e Kiruuma e Kirwanyi abatuuze abasoba mu 1500 gyebaasengulwa omumbejja Milly Naava Namutebi. Ettaka eliriko okusika omuguwa liri ku Block 60, Plot 1 e Kirwanyi-Buweekula,…

Bya Prossy Kisakye, Poliisi eri ku muyiggo gw’akabinja k’abavubuka akatadde ebyalo okuli Lugala, Masanafu n’e Lubya ku bunkenke nga katambula kakuba abantu mu ssaawa za kafyu awatali kutaliza. Akabinja kano akaabaddemu abavubuka abasoba mu 20 kaalumbye ebyalo  ne bakkakkana ku bantu ne babakuba nga n’abamu obwedda babasika mu mmotoka zaabwe. Era kigambibwa nti waliwo omu gwe basse.  Joseph Muyanja 26, ow’e…

Bya Juliet Nalwooga, Eggwanga lya Zambia likiriza Uganda okubaguza tani zámata góbuwunga eziwera 700 buli mwaka. Senkulu wa Dairy Development Authority Michael Kansiime agambye nti amata gano bakugatwala e Zambia okuyita mu kampuni ya Coca Cola beverages Zambia. Minisita avunanyizibw aku Magana wano mu ggwanga Bright Rwamirama agambye nti guno mukisa munene nyo Uganda gwefunye naddala eri abalunzi

Bya Prossy Kisakye, Minisitule evunanyizibwa kukikula kyábantu, abakozi ne nkulakulana yábantu egamba nti wetutukidde olwaleero nga yakateeka obuwumbi bwensimbi za Uganda 96 mu pulogulamu ya gavt eyókukulakulanya abakyala eya Uganda Women Entrepreneurship Program (UWEP) mu myaka etaano egiyise. Okusinzira ku minisita omubeezi avunanyizibwa ku baliko obulemu Hellen Asamoh, abakyala abalala 15,200 nabo baganyuddwa mu ntekateeka eno okwetoloola…

Bya Gertrude Mutyaba, Namukadde Joweria Nakirijja ow'emyaka 68 awonedde watono okuttibwa abatemu abebijjambiya e Masaka bwebazinzeeko amaka ge nebatandika okutema endabirwamu z'amadirisa n'oluggi basobole okuyitawo. Bino bibadde ku kyalo Kkingo,mu gombolola ya Kimaanya-Kabonera mu kibuga Masaka. Okusinziira ku nganda za Nakirijja, abatemu bano bazze saawa bbiri nebatandika okumulisa tooki,n’ebakuba amataala g'ebweru nebagaasa nga bwebabakudaalira nti katulabe anajja obayamba. Abatemu…

Bya Malik Fahad, Abatwala ebyókwerinda e Masaka balagidde ba Ssentebe bébyalo okutandika okuwandiisa abatuuze bonna mu kawefube owókunyweza ebyókwerinda oluvanyuma lwa batemu bebijjambiya okuzingako ekitundu. Mu kwogerako ne bannamawulire abatwala ebyokwerinda nga bakulembedwamu RDC wekitundu Fred Bamwine, bategezeza nga bassentebe bwerina okuwandiisa abatuuze bonna. Bamwine era akubiriza abakulembeze be bitundu okutuuza enkiiko ezokusala amagezi ku byokwerinda ebidobonkanye Ye addumira…

Bya Benjamin Jumbe, Omukulembeze wéggwanga YK Museveni era nga ye ssabaddumizi owókuntiko oweggye lye ggwanga erya UPDF alinyisiza eddaala lyómugenzi abadde amyuka ssabapoliisi Maj Gen Paul Lokech okudda ku Lt Gen. Bino byogeddwa minisita owensonga ezomunda mu ggwanga Gen Kahinda Otafiire mu kuziika omugenzi Lokech mu disitulikiti eyé Pader. Omukulembeze weggwanga mu bubakabwe obumusomeddwa minisita Otafiire, agambye nti…