Amawulire

Eyali akulira ekibiina kya FDC Dr Kiiza Besigye avuddemu omwaasi ku by’okwongezaayo okulonda Ababaka ba palamenti nga bakulemberwa owe Nakifuma Kafeero Ssekitoleko bagaala ekisanja kya bannabyabufuzi kyongezebweeyo okutuuka ku myezi musanvu nga n’akakiiko akalondesa bweketeekateeka. Ono agamba nti akakiiko kakyakola ku by’okubala abantu n’okubakolera endaga Muntu kale nga tebasobola kukongera mugugu gwa kulonda Wabula yye Dr Besigye agamba…

Abasuubuzi mu katale ke Kireka basabye ssenkaggale wa poliisi gen Kale Kaihura okuyingira mu lutalo oluli mu katale kaabwe Abasuubuzi bano beekalakaasizza ng’olutalo luva ku tenda ekayaanirwa aba Alex Wasswa ne Dan Mubiru. Abasuubuzi beetowgeddeko nabo bagamba nti tebakkiririza mu bukulembeze bwa Wasswa era nga bagala agyibweeko

Okwongezaayo kontulakita y’akulira abakozi mu kampala Jennifer Musisi buli omu akulinako ndowooza yiye Musisi wakusigala mu kifo kye okutuuka mu mwaka gwa 2017 . Ono bukyanga ajja mu kibuga wabaddewo okulwanagana ne bannabyabufuzi abagamba nti ayagala kutwaala mirimu gyaabwe era nti by’akola bikosa omuntu wa bulijjo. Ono nno yakkirizza dda omulimu ogumuwereddwa okusigala nga y’akulira abakozi Wabula ba kansala…

Ensimbi zawudde mu babaka ba palamenti abakyala. Abava ku ludda oluvuganya gavumenti bagamba nti balina obukakafu nti bannaabwe okuva mu NRM baweereddwa emitwaalo ataano okwetaba ku mikolo gy’abakyala egyakaggwa e Kumi. Ababaka bano era kigambibwa okuba nti bagenda kufuna obukadde obulala butaano okuyisaamu okukuuta akadingidi ka pulezidenti museveni. Omwogezi wa gavumenti erinze obuyinza, Nabiilah Naggayi agamba nti ebikolwa…

N’okutuusa kati abasomesa abamu tebanafuna musaala gwaabwe. Ssabawandiisi w’ekibiina ekigatta abasomea bano mu ggwanga  James Tweheyo agamba nti abasomesa abasoba mu mitwalo 25,000 tebanasasulwa emisaala gya December January ne February. Tweheyo agamba nti embeera eno eremeseza abasomesa okukola emirimu gyabwe era bakuyita olukiiko lw’abasomesa olw'okuntikko bateese ku nsonga eno.

Abakulembeze mu disitulikiti ye Kyankwanzi batandise okukungaanya amannya g’abantu abakoseddwa enkuba mu kitundu kino Olukakaka luno lugenda kusindikibwa eri minisitule y’ebigw abitalaze Kiddiridde enkuba eyamaanyi okuleka amayumba mangi nga gali ku ttaka, ennimiro nga zisanyeewo n’ebisolo okufa era nga bangi tebalina webegeka luba Omubaka omukyala ow’ekitundu kino Anne Maria Nankabirwa agamba nti bakafuna abantu 150 abakoseddwa era nga…

Webuwungeredde ng’abantu babiri beebawandikiddwa  okwesogga akamyuufu ka NRM ku bwa loodimeeya. Peter Ssematimba yeeyasoose okuwandiisibwa mu nteekateeka efundikirwa olunaku lw’enkya. SSematimba agambye nti mwetegefu okuwereeza bannakampala awatali kubaboola Ono addiddwaako Meddie Kasule agambye nti ekimuleese kulongoosa byabufuzi mu kampala. Omulala ategerekese nga Pradeep Karia talabiseeko yadde ng’abadde yategeezezza nga bw’agenda okujja yewandiise Akakiiko akalondesa katadde olunaku lwa nga 17 omwezi…

Omwana w’essomero abadde asala ekkubo ku luguudo oluva e Mityana okudda e Kampala atomeddwa motoka n’afiirawo. Akabenje kagudde mu kabuga ke Naama mu gombolola ye  Busimbi mu district ye Mityana. Omwana ye Annet Bisirikirwa ng’abadde asomera mu Naama church of Uganda primary school. Emotoka ebadde ku misinde gyayiriyiri era  etategerekese namba y’emukoonye Polisi omulambo egututte mu ggwanika e Mityana.

Omukazi ayombye nebba nava mu mbeera nayokya enyumba yaabwe omufiiridde omwana wabwe ow'emyeezi 3  ,sso nga basatu basigadde ku ssaala olw’ebisago ebyamaanyi byebafunye. Bino bibadde e Kosovo Lungujja ku nkingizi z’ekibuga Kampala ku ssaawa nga  munaana nga busaasana . Aduumira poliisi ya  Old Kampala Joram Mwesigye agamba omukazi ono, bba, n’omwana wabwe omulala bbo batwaliddwa mu ddwaliro nga…