Amawulire

Abavuganya gavumenti wansi w’omukago gwa The Democratic Alliance baddamu okutuula leero okwongera okuteesa ku ky’okusimbawo omuntu omu. Kiddiridde abakulu bano okulemererwa okutuuka ku kyebabadde basuubira olunaku lwajjo. Abeesimbyeewo baasabye okwongerwa ku budde batuule bokka berondemu omuntu omu. Ng’ayogera eri bannamawulire ekiro kyajjo, akulira DP Norbert Mao yategeezezza babawadde okutuuka bbalaza nga balonze omuntu era ng’olunaku lwaleero akafubo kaabwe…

Gavumenti emalirizza enteekateeka ezigendereddwaamu okunyweza eby’okwerinda ku kisaawe Entebbe. Senkaggale wa poliisi Gen Kale Kaihura agambye nti gavumenti ng’eri wamu n’ekitongole ekikola ku byembuuka y’enyonyi yakuzimba ekifo ky’omulembe Entebbe nga kirimu buli kalonda akwata ku by’okwerinda . Kaihura agambye nti bakwataganye ne gavumenti ya Kenya okulaba nti omulimu gutandika. Ekifo kino kyakubaamu kamera, zisikaana, embwa kko n’ebitaala by’ebyokwerinda…

Omubaka wa Munisipaali ye Mukono Betty Nambooze asimbidde ekkuuli eky’okuzimba ebbaala okumpi n’ekitebe kye Goma. Ono annenyezza nnyo tawuni kilaaka Innocent Ahimbisibwe okuwa bano olukusa okuzimba ebbaala ku ttaka awabadde wagenda okuzimbibwa eddwaliro nga liri mu ntekateeka. Ebbaala eno ezimbibwa wakati mu bukuumi bw’amaggye nga nanyini yo tanamanyika. Ekifo kino kyakusuza balambuzi abanajja kuno mu ku kyala kwa…

Agambibwa okubeera omubbi wa bodaboda akubiddwa emiggo egimuttiddewo wali e Kayanja Namataba mu distulikiti ye Mukono. Abeerabiddeko n’agaabwe bagamba nti omubbi ono omulambo gw’omusajja ono bakedde kugusanga mu kitundu. Abatuuze bagamba nti omusajja ono kiteekwa okuba nga bamuttidde walala nebamusuula e Kanyanja Omulambo gwe gutwaliddwa e Kawolo mu ddwaliro

Abasirikale babiri bakwatiddwa lwa kulya nguzi okuva ku bantu ate beebabadde bakutte. Ayogerera poliisi mu kitundu kye Kyoka Juma Hassan Nyene abakwatiddwa abamenye nga Stephen Oselle ne Richard Obace. Abasirikale bano basabye Robert Okello emitwalo etaano okusobola okubayimbula. Bano balebuukana na misango gya ttaka Abasirikale bano okukwatibwa babadde balondoola ekibiina ekirwanyisa obuli bw’enguzi e Teso nga kikolagana ne poliisi.

Omusajja alumyeko mukyala we omumwa bwamuteberezza nti yanyumizza akaboozi ne mulilwana. Jamir Kasirye omutuuze we Kawempe mizigo  munana yalumye Zaina Kulabako oluvanyuma lwokusanga mulilwana munyumba mulukubba olukedde okutonya. Kulabako atasobodde kwogera naffe wabula nga ebigambo abiwandiise ategezezza nga omwami we bwatasuzze wakka nga yamulesse mu kaliyooki wabula kyandiba nti ensonyi zafuddemu obusungu bwatyo namukuba okumulumako omumwa. Ono alikudwaliro…

  Pulezidenti Museveni asabye abantu bulijjo okukola dduyiro okwekuuma nga balamu bulungi Bw’abadde ayogerako eri abakungubagizi mu kusabira omwoyo gw’omugenzi Gen Aronda Nyakairima, pulezidenti agambye nti abantu bangi naddala abali mu bukulembeze tebafa ku bulamu bwaabwe ate nga tebawummula kimala. Ono agambye nti kyannaku nti Gen Aronda yafudde mu ngeri esobola okwewalika kyokka era n’asaba n’abantu okukoma okussa…

Ekikangabwa kibuutikidde abayizi n'abasomesa saako nabazadde ku somero lya Kabyuuma pulayimale school laddu bw’ekubye abaana 5 nebafirawo. Abalala 20 baddusiddwa mu ddwaliro ekkulu e Mubende nga bali mu mbeerambi ddala. Okusinzira ku mukulu we somero lino John Basaaliza, laddu eno ejidde mu nkuba ebadde etonya ku ssaawa mwenda ekiddiridde kwekubwatuka Abaana abafudde babadde ba kibiina kya p.3 ne…