Amawulire

Okwongera okulanga omwenge kitunuuliddwa nga ebimu ku biviiriddeko abaana abatanetuuka okwongera okunywa omwenge. Akulira ekibiina ekilafubanira enkulakulana mu bavubuka ekya  Uganda youth development Link Rogers Kasirye agamba obulango buno busikirizza abavubuka bangi okukeera okunywa omwenge olwo nebegadanga mungeri yekyeyononero olw’ettamiiro. Agamba wasaana okubeerawo etteeka ekkakali ku baana abanywa omwenge nga tebanetuuka ssaako n’okukoma ku bulango bw’omwenge obusikiriza…

Ekitongole kya Kampala Capital City Authority ekikole ku by’obulamu kiggadde ekizimbe kya Kalungi Plaza lwa bukyaafu. Abasuubuzi abasinga bibasobedde nga abamu balabiddwa nga batudde ku miryango gy’amaduuka gaabwe.   Kino kizze tewanayita na mwezi nga KCCA yakaggala ekizimbe ekirala ekya Kizito Towers nga era Omwogezi wa KCCA Peter Kaujju y’awera nga bwebagenda okuggala ebizimbe ebirala ebikyaganye okutukiriza omutindo…

Omusango gw’abateberezebwa okutega bbomu nga July 11th 2010 guzzemu okuwulirwa mu kkooti enkulu nga era omujulizi owa 19 Joseph Makubuya asimbiddwa mu kaguli. Makubuya ategezezza kkooti nga omu ku bavunanwa Hassan Luyima bweyamugulako essimu mu dduuka lye ku Majestic Plaza ezigambibwa okuba nti zezakozesebwa okutegulula bbomu ezatta abasoba mu 70 ku Kyaddondo Rugbu Grounds ne Ethiopian…

Abagoba ba BodaBoda mu kibuga kye Mukono balangiridde nti bakuwagira omuntu oba ekibiina kyebyobufuzi mu kalulu akajja nga balina webafunira. Bagamba aba NRM babesibako era babagaana okuwagira aba Opposition songa bbo kyebatunulidde ye muntu anabakyusaako ku mbeera nebyenfuna byabwe. Okwogera bino mu bukambwe kivudde ku Ssabawandiisi wa NRM Kasule Lumumba gwebabadde bategese okusisinkana ku Sunday naye natalabikako. Mu…

Okuvaako e Lwengo ku kyalo  Kyamukama abatuuze baguddemu entiisa bwebagudde ku mulambo gw’omusajja nga gugangalamye ku mabbali w’oluguudo.   Omugenzi ategerekese nga  Joseph Muzuni. Ssentebe bw’ekyalo kino  Kudura Ndyanabo, agamba Muzuni yakoma okulabibwako ku sande ku mbaga emu ku kyalo.   Omwogezi wa poliisi mu bukiika kkone bw’eggwanga  Noah Sserunjogi ategezezza nga emirambo gy’abagenzi bwegitwaliddwa  mu ddwaliro okwongera okunonyereza ekyaviriddeko…

E Bukomansimbi ababbi ba bodaboda 3 bakubiddwa emiggo egibatiddewo. Abasatu bano kigambibwa nti babadde bagezako okutta omuvuzi wa bodaboda gwebapangisizza okubatwala e Bukomansimbi okuva e Masaka. Omuvuzi wa Boda ono ategerekese nga John Matovu akubye enduulu esombodde abaddukirize nebakkakana ku basatu bano nebabatta.   Poliisi etuuse n’ekuba amasasi mu bbanga okugumbulula abatuuze ababadde bataamye wabula etuuse kikeerezi

Ssabapoliisi w’eggwanga  Gen Kale Kayihura  asabye bannayuganda bonna okukwatiza awamu ne poliisi okusobola okukuuma omwana omuwala.   Okusaba kuno kuzze wakayita olunaku lumu lwokka poliisi kyeggye efulumye alipoota nga emisango gy’okukabasanya abaana abawala bwegizze gikendeera.   Okusinziira ku  Kayihura, emisango gy’okukwata abakazi, okusobya ku bawala ssaako n’abenganda zaabwe okubazaalamu gyo bwegikyali waggulu yadde nga poliisi ekola ekisoboka okubirwanyisa.   Agamba bekikwatako…