Abakulembeze b’abavubuka mu bukama bw’ e Tooro besamulidde ddala eby’okwagala okujja obwesige mu mukama waabwe Oyo Nyimba Kabamba Iguru Rukidi IV.
Abavubuka mu kibiina kyabwe ekya “amacumu n'ebitara” bagamba Oyo ye Mukama we Tooro omutuufu.
Kino kiddiridde omulangira Kijjanangoma okutegeeza nga Oyo emirimu bwegimulemye era neyerengirira ku bukama bwe Tooro.
Ssentebe w’abavubuka bano Kasaija Edward agamba basaanye kwemalira…
Nga eggwanga lyetegekera okukuza olunaku lw’abakyala, abakyaala okuva mu kibiina kya FDC banenyezza gavumenti olw’okulemererwa okukola ku bizibu ebibaluma.
Nga bakulembeddwamu abakulira Ingrid Turinawe, abakyala bano bagamba banji ku banaabwe obwavu bubesibyeko nga olukokobe sso nga abakyaala 19 bebafiira mu ssanya buli lunaku.
Bano era banenyezza gavumenti okulemererwa okubazimbirawo eddwaliro eryenjawulo erikola ku ndwadde ezisinga okubabonyabonya.
Bano kati…
Abasuubuzi balumbye ofiisi z’akulira ekitongole ky’ebyamakomera mu ggwanga wali ku parliamentary avenue nebagumba awo nga bemulugunya olw’omusango gwa munaabwe Josephine Namanda eyayiirwa asidi obutawulirwa.
Namanda y’afa olw’ebisago byeyafuna nga kiteberezebwa nti bba Hakim Kakaire y’eyali emabega w’olukwe luno wabula nga n’olwaleero tareeteddwa mu kkooti.
Abasuubuzi bano bawerekeddwako bamulekwa ne bazadde b’omugenzi.
Bbyo eby’okwerinda binywezeddwa ku ofiisi zino nga…
Kamalabyona wa Buganda Charles Peter Mayega akubye omulanga ogutakungula eri abagagga mu kibuga naabo bonna abakoze ku nsimbi okuddanga mu byalo bafe ku bakadde baabwe .
Katikiroagambye nti aliko abagagga batayagadde kwatukiriza mannya abali obulungi nga naye nga ku kyalo gyebava tewegombesa nga n’abaabwe bali bubi nnyo.
Okwogera bino abadde ku kyalo Nkulagirire mu gombolola ye Nakifuma…
Ab’ekitongole kya Kampala Capital City Authority olwaleero bagguddewo emizimbe bina ku ebyo omusanvu ebyaggalwa olw’omusujja gw’omu byenda guyite Typhoid.
Kiddiridde ensisinkano gyebabaddemu ne bannanyini bizimbe bino.
Amyuka omwogezi wa KCCA Robert Kalumba agamba nti basazeewo okuggulawo ebizimbe bino oluvanyuma lwa bannanyini byo okutuukiriza ebisanyizo.
Ebimu ku bizimbe ebigguddwa kuliko ekya Mini price, Qualicel, Naiga Acade ne Cooper Complex.
Abantu…
Ensonga z’amyuka ssentebe w’ekibiina kya NRM Alhajji Moses Kigongo n’eyali mukyala we Olive Kigongo zirinnye enkandaggo.
Omulamuzi Yorokamu Bamwine asisinkanye ababiri bano oluvanyuma lw’omukyala okuddukira mu kkooti ng’ayagala asigaze ekizimbe kya Mosa courts
Omulamuzi Bamwine afubye bano okubatunuza mu ky’okuteesa nga basise muguwa mu kkooti kubanga kibawebuula bonna
Kigongo agamba nti tasobola kuviiramu awo emyaka egisoba mu 20…
Ababaka ba palamenti abatuula ku kakiiko akakola ku butonde balumbye minisita akola ku byobutonde olw’okulemererwa okuwera obuveera.
Ng’alabiseeko mu kakiiko , minisita Kamuntu agambye nti okuwera obuveera kizibu okutuukiriza kubanga kirimu ebyobufuzi nga n’okulonda kutuusa kale nga kizibu
Kino nno kinyiizizza ababaka abasabye minisita ajje ebyobufuzi mu nsonga z’obutonde kubanga tewali kijja kukolebwa
Ababaka okuli Hanifer Kawooya,Regan Okumu,…
Poliisi ye Sembabule eriko abantu 3 bekutte oluvanyuma lw’okuzuula emmundu n’amasasi 17 mu kikwekweto kyekoze mu bitundu ebyenjawulo.
Abakwatiddwa kuliko namukadde ow’emyaka 60 Arajabu Nabakooza, mutabaniwe n Muhammad Mulengera ne mukwanogwe atannategerekeka abatuuze ku kyaalo Kyera mu gombolola ye Lwemiyaga.
Bano baakwatiddwa oluvanyuma lwomu ku munaabwe okubibwako emitwalo 80 ku mudumu gw’emmundu .
Omwogezi wa poliisi mu maserengeta…
Yadde nga waliwo obutakkaanya , gavumenti yakukolagana bulungi ne kkooti y’ensi yonna era baweeyo obujulizi bwonna obwetagisa ku musango gw’eyali omuyeekera wa Kony Dominic Ongwen.
Nga asisisnkanyemu ssabawaabi wa kkooti eno Fatou Bensouda, omukulembeze w’eggwanga Yoweri Museveni ategezezza nga bwebaalina okuwaayo Ongwen eri kkooti y’ensi yonna kubanga emisango gyeyazza gyali mu mawanga agenjawulo nga ate y’akwatibwa…
Okuwulira omusango gwa namwandu w’omugenzi Eria Sebunya banji gwebamanyi nga Kasiwukira kwongezeddwayo.
Kino kiddiridde oludda oluwaabi nga lukulembeddwamu Happiness Ainebyona okutegeeza kkooti nti okunonyereza tekunaggwa.
Wabula kino kijje omulamuzi w’eddaala erisooka owa kkooti ye Makindye Richard Mafaabi mu mbeera neyebuuza lwaki oludda oluwaabi lwawaaba omusango guno nga tebanamaliriza kunonyereza.
Mafaabi ategezezza nga abawawabirwa bwebamaze ebbanga eddene ku alimanda…